නොරච්චෝලයි ගල් අඟුරු බලාගාරයේ පළමු අදියර සඳහා ගල් අඟුරු මිලදී ගැනීමේ කැබිනට් පත්‍රිකාවල වගකීම විදුලි බල හා බලශක්ති ධුරය දැරූ සුසිල් ප්‍රේමජයන්ත මහතාගේ කරමතින් ඉවත් කර එය ඇමති පාඨලී චම්පික රණවක මහතා මත පැටවීමට විදුලිබල සහ බල ශක්ති අමාත්‍යංශ ලේකම් එම්.එම්.සි ප්‍රදිනාන්දු මහතා විසින් කටයුතු කර තිබේ.
නොරච්චෝලයි ගල් අඟුරු බලාගාරයේ පළමු අදියර සඳහා ගල් අඟුරු මිලදී ගැනීමේ කැබිනට් පත්‍රිකාව සඳහා අනුමැතිය ලබාදීම සිදුවුයේ 2010 මාර්තු මාසයේදීය. එවකට අදාළ ඇමතිවරයා ලෙස මෙම කැබිනට් පත්‍රිකාව ඉදිරිපත් කර ඇත්තේ සුසිල් ප්‍රේමජයන්ත මහතා වන අතර ඇමති පාඨලි විදුලි බල හා බලශක්ති ඇමතිධුරය දැරුවේ 2010 අප්‍රේල් 29 දින සිට 2013 ජනවාරි 13 දක්වා වේ.
එහෙත් විදුලිබල සහ බල ශක්ති අමාත්‍යංශ ලේකම් එම්.එම්.සි ප්‍රදිනාන්දු මහතා විසින් මෙම කැබිනට් පත්‍රිකාව ඇමති පාඨලි චම්පික රණවක මහතා විසින් ඉදිරිපත් කරනු ලැබුවක් බවට වත්මන් ඇමතිනි පවිත්‍රා දේවී වන්නි ආරච්චි මහත්මියට පසුගිය දා දැනුම් දී තිබු බව එකී අමාත්‍යාශ ආරංචි මාර්ග අනාවරණය කළේය.
මෙයට පෙර විදුලිබල ගාස්තු ඉහල දැමීමේ වගකීම ඇමති පාඨලී මත පැටවෙන අකාරයේ ප්‍රකාශයක් විදුලි බල හා බලශක්ති ඇමතිනි පවිත්‍රා දේවී වන්නි ආරච්චි මහත්මිය විසින් කර තිබුණු අතර එය ට ප්‍රසිද්ධියේ විරෝධය පළකරමින් පාඨලී ඇමතිවරයා මාධ්‍ය නිවේදනයක් ද නිකුත්කළේය.
PV 13813 001
No comments:
Post a Comment