උතුරේ මහමග ගමන් කරන ද්‍රවිඩ කාන්තාවක්‌ පෙති වගයක්‌ පෙන්වමින් "හමුදාව මට අතවර කරන්න ආවොත් පෙති බොනවා" යෑයි කළ ප්‍රකාශයක්‌ බී.බී.සී. සේවාව විකාශය කිරීම ගැන ආරක්‍ෂක නිලධාරීන් විමර්ශනයක්‌ අරඹා ඇත.
මෙය බී.බී.සී. සේවාව ඉතා සැලසුම් සහගතව සිදුකළ සාවද්‍ය ක්‍රියාදාමයක්‌. හමුදාව අතවර කරන බවට පොලිසියට පැමිණිලි ලැබී නැහැ" යෑයි හමුදා මාධ්‍ය ප්‍රකාශන බ්‍රිගේඩියර් රුවන් වනිගසූරිය මහතා ඊයේ (24 දා) පැවසීය.
පොදුරාජ්‍ය මණ්‌ඩල සමුළුව පැවැත්වීමට නියමිතව තිබියදී බී.බී.සී. නියෝජිතයා යාපනයට ගොස්‌ ශ්‍රී ලංකාව අවමානයට පත් කිරීමට එකී ක්‍රියාදාමය සිදුකර ඇතැයි හෙතෙම පැවසීය.
ලන්ඩන් නුවර සිට මෙරටට පැමිණ සිටින බී.බී.සී. නියෝජිත පර්ගායි කීනන් නමැත්තා දැන් යාපනයේ සිටින බවත් උතුරේ ජනතාවට අතවර කරන බවත් රාජ්‍ය නිලධාරීන් තර්ජනය කරන බවද ඔහු පවසා ඇත.
No comments:
Post a Comment