ශ්‍රී ලංකාවේ වන ගහණය අඩු වීම අප රටට බල පා ඇති ප්‍රධාන පරිසර හානිය වේ. එහෙත් එයට විසදුම් ලෙස එක් එක් ප්‍රදේශයන්හි වන වගා ව්‍යපෘති ක්‍රියාත්මක කිරීම තුලින් එම පරිසර හානිය අවම කර ගැනීමට රජයේ සැලසුම අප පැසසුමට ලක් කරන්නෙමු. එහෙත් වන වගා ව්‍යපෘති තුලින් රටේ ධනය විනාශ වීම නම් එහි ප්‍රතිපලය ඍනාත්මක කරන්නකි. එයට කදිම නිදසුන නම් රත්නපුර දිස්ත්‍රික්කයේ ඇඹිලිපිටිය ප්‍රාදේශීය කොට්ටාශයට අයත් මිරිස්වැල්පොත ග්‍රාමසේවා වසමට අයත් කෝමාරික ප්‍රදේශය වටා පිහිටියා වූ කදු ඉඩම් ඉලක්ක කර උඩවලව අඩවි වන කාර්යාලය මගින් සිදුකල විශාල මුල්‍ය දුෂණයක් හා පරිසර පිලිබදව මා මෙයින් අනාවරණය කරමි.
මිට වසරකට පමණ පෙර ඉහත නම් සදහන් කාර්යාලය මගින් කෝමාරික ප්‍රදේශය තුල අක්කර 75 ක පමණ විශාල වන වගා ව්‍යාපෘතියක් ඇරඹු අතර එහි මුල සිට අග දක්වා සිදුවුණු මුදල් වංචා හා අක්‍රමිකතා මා මෙසේ පෙලගස්වමි.
අද වන විට අදාල වන වගාවේ අවම වශයෙන් අක්කරයක් පුරාවටවත් ශාක පැල වැවී නොමැත. රුපියල් මිලියන ගණනක් වියදම් කර නිමකළ වන වගා ව්‍යාපෘතියේ වංචා හැර අන් කිසිවක් රටට හෝ පරිසරයට යහපතක් ලෙසින් ඉතිරි වී නොමැත. උඩවලව අඩවි වන කාර්යාලය මගින් සිදුකල මෙම මුල්‍ය වංචාව ඉතාම දුෂිත එකක් වනුයේ මිට අමතරව මෙම ව්‍යාපෘතිය මුවාවෙන් ප්‍රදේශයේ සිටින වංචනික අපරාදකරුවන් සම්බන්ද කරගනිමින් කරගෙන ගිය කංසා ව්‍යාපාරයයි. පොලිස් ඇසට වැලි ගසමින් ඔවුන් මෙය ඉතා ලෙහෙසියෙන් පවත්වාගෙන යන ලද්දකි. පසුකාලීනව කල පොලිස් වැටලීම් තුලින් සොයාගනු ලැබුයේ කපා අවසන් කල කන්සා වගාව පමණි.
පසුගිය ආණ්ඩු සමයේ ආරම්බ කල මෙම ව්‍යාපෘතියෙන් ගසා කා ඇති මුදල මෙපමනකයි සදහන් කල නොහැක. මන්ද අවසානය වන විට වන සංරක්ෂණ දෙපාර්තමේන්තුවෙන් ගෙන්වන ලද ඉතා වටිනා ශාක පැල සිට වුවාට වඩා කොමාරික දොලේ සහ තැන තැන විසිකර දමා ඇති අයුරු ඔබ විසින් නිරීක්ෂණයක් කරන්නේනම් දැකගත හැකිවෙනු ඇත.
ගරු අමාත්‍යතුමනි මෙම ව්‍යාපෘතීන් රැගෙන මෙම නිලධාරීන් අප ප්‍රදේශය වෙත පැමිණියේ අද ඊයේ නොවේ. කලින් කලට මිලියන ගණනක් වෙන් කරගෙන පුරා අවුරුදු 30 ක් තිස්සේ ඔවුන් ක්‍රියාත්මක කල ව්‍යාපෘතීන් ගණන සුළුපටු නොවේ. එහෙත් අවාසනාවකට තවමත් මෙම කදු පන්තියේ පැතිරී ඇත්තේ ගණයට වැඩුණු විශාල මානම් පමණකි. වසර ගණනක් තිස්සේ කරගෙන යන මුදල් ගැරීමේ කටයුතේ තවත් එක් අදියරක් ගිය වසර තුල ඔවුන් නිම කල අතර මේවා අධීක්ෂණයට පැමිණෙන නිලධාරින්ද ගසාකෑමේ ධුරාවලියේ ඉහල පුරුක් බැවින් කිසිම අධීක්ෂණයක් මෙම වංචාවන් පිලිබදව සිදුවන්නේ නැත.
පසුගිය වසරේ ව්‍යාපෘතියේ පළමු කොටසේ සුද්ධ ලාභ නිමවෙන්නටත් කලියෙන් එහි දෙවන කොටස සදහා මේ වසරේද මෙම නිලධාරින්ම නැවතත් තවත් අක්කර 25 ක් ඉලක්ක කර නැවතත් පුරුදු රාජකාරියට අතගසා ඇත්තේය.
මේ පත්වී ඇත්තේ යහපාලන ආණ්ඩුවකි. අප තදින්ම විස්වාස කරනුයේ ගරු ජනාධිපතිතුමා හා අග්‍රාමාත්‍යතුමා යනු දුෂිතයන්ට එරෙහිව දඩුවම් දිය හැකි නායකයන් දෙදෙනෙක් බවයි. මන්ද ඔවුන් ආදර්ශයෙන්ම එය ඔප්පුකර ඇති නායකයන් නිසාය. එනිසා ඔබතුමාගේ පුර්ණ මැදිහත්වීමෙන් කාලයක් තිස්සේ මොවුන් විසින් කරගෙන යන මෙම දුෂිත වැඩපිළිවෙල ගැන කඩිනම් පරීක්ෂණයක් පවත්වා (විශේෂයෙන්ම ස්ථානීය පරීක්ෂණයක් සිදුකරන ලෙස ඉල්ලා සිටින අතර එතුලින් සැබෑ තතු තම නෙත් වලින්ම දැකගත හැකිවෙනු ඇත) අදාල දුෂිත නිලධාරීන්ට එරෙහිව නිතිය ක්‍රියාත්මක කරන ලෙස ඉල්ලා සිටිමි.
ඇඹිලිපිටිය වාර්තාකරු
No comments:
Post a Comment