Saturday 10 December 2022
අය වැයට පක්ෂ වූ මෛත්‍රීපාල සිරිසේනගේ නම පාස්කු චුදිත ලැයිස්තුවෙන් විසිවෙන ලකුණු
පසුගියදා පාර්ලිමේන්තුවේ පැවති අයවැය යෝජනාව විරුද්දව චන්දය ලබා දි නොතිබුනි.
එයට යම් කළගුණ දැක්වීමක් ඉදිරියේදී ආණ්ඩුව සිදු කරනු ඇතැයි සමාජ මාධ්‍ය වාර්තා කර 
Monday 5 December 2022
මෛත්‍රීපාල සිරිසේනට ආසධ්‍යයි
මට ඇති ආණ්ඩුවක් නැහැ, මගේ පක්ෂය ශ්‍රීලංනිපය පමණයි
මාධ්‍ය නිවේදනයයි.
මා එක්සත් ජාතික පක්ෂයට හෝ සමගි ජන බලවේගයට එකතු වූ බවට විවිධ මාධ්‍ය ඔස්සේ ප්‍රකාශ වෙයි.
ශ්‍රී ලංකා නිදහස් පක්ෂය හැර දමා, වෙනත් කිසිදු පක්‍ෂයකට එකතු නොවන බව මම නැවත නැවත අවධාරණය කරමි.
මා දේශපාලනික ව ඉපදුනේ ශ්‍රී ලංකා නිදහස් පක්ෂයේ ය.
හැදී වැඩුණේ ද ශ්‍රී ලංකා නිදහස් පක්ෂයේ ය.
විවිධ පහර කෑම් වලට ලක් වූයේ ද ශ්‍රී ලංකා නිදහස් පක්ෂය වෙනුවෙනි.
අවසානයේ මා මිය යාමට බලාපොරොත්තු වන්නේ ද ශ්‍රී ලංකා නිදහස් පාක්‍ෂිකයෙකු ලෙසිනි.
විවිධ වැරදි ප්‍රතිපත්ති අනුගමනය කිරීම නිසා අද ශ්‍රී ලංකා නිදහස් පක්ෂය ඉතාමත් දුර්වල තත්ත්වයට පත්ව තිබේ.
ඒ නිසා බණ්ඩාරනායක දර්ශනය අගය කරන, පැහැදිලි දර්ශනයක් මත කටයුතු කරන මම, ඒ දර්ශනය පිළිගෙන ඊට අනුගත දේශපාලනයක නියුතු වන ඕනෑම දේශපාලන කණ්ඩායමකට උපදෙස් ලබා දීමට නොපැකිළි වෙමි.
මේ මොහොතේ අප දේශය මුහුණු දෙන ජාතික අර්බුද දෙකක් වන රටේ පවතින ළමා මන්ද පෝෂණ තත්ත්වය සමනය කිරීම සහ ජනවාර්ගික ගැටළුවට ස්ථිර සාර විසඳුම් ලබා දීම යන අවස්ථාවන් හි දී පමණක් රටේ වගකිව යුතු ජ්‍යෙෂ්ඨ නායිකාවක ලෙස ඊට මාගේ උපදෙස් ලබා දෙමි.
වර්තමාන ශ්‍රී ලංකා නිදහස් පක්ෂ නායකයින් විසින් සිය අවස්ථාවාදී, පටු වාසි වෙනුවෙන් පක්ෂ ප්‍රතිපත්ති අමු අමුවේ පාවා දෙන විට සැබෑ ශ්‍රී ලංකා නිදහස් පාක්ෂිකයන් වෙනුවෙන් නිර්මල බණ්ඩාරනායක ප්‍රතිපත්ති රැක ගැනීමට අදත්, හෙටත් මතුවටත් අඛණ්ඩව කැපවන බව අවධාරණය කරමි.
Friday 2 December 2022
චන්ද්‍රිකා වෙනුවෙන් මෛත්‍රීපාල සිරිසේනට වස් කවි කියා පොල් ගසයි
ශ්‍රී
ලංකා නිදහස් පක්ෂයේ යාවජීව සාමාජික හා පක්ෂයේ උපදේශිකාව හිටපු ජනාධිපතිනිය චන්ද්‍රිකා බණ්ඩාරනායක කුමාරණතුංග මැතිණියගේ ශ්‍රී ලංකා නිදහස් පක්ෂයේ පක්ෂ සාමාජිකත්වය තාවකාලිකව අත්හිටවීමට, එම පක්ෂයේ සභාපති මෛත්‍රීපාල සිරිසේන විසින් කටයුතු කරන ලදී.
එම තීන්දුවට විරුද්ද වමින් පාක්ෂිකයෝ රටපුරා වීරෝධා දක්වමින් මෛත්‍රීපාලසිරිසේන මහතාට උද්ගෝෂණ හා විරෝධතා පවත්වමින් සිටිති.
එහි තවත් උද්ගෝෂණයක් හොරගොල්ල බණ්ඩාරනායක සමාධිය අසලදී අද උදැසන දි පැවැත්විණි.
ඒසදහා අත්තනගල්ල ආසනයේ ශ්‍රී ලංකා නිදහස් පක්ෂයේ විශාල සාමාජික පිරිසක් සහබාගි විය.
Tuesday 18 October 2022
මෛත්‍රීපාල සිරිසේන ගෙදර යන දවස
1
මොන්ටේගු සරච්චන්ද්‍ර 7711ඩී, සිල්වා මාවත,
තලංගම උතුර,
මාලබේ 2022.10.12
ශ්‍රීලනිප සභාපති, විශ්‍රාමික ජනාධිපති, මෛත්‍රීපාල සිරිසේන මැතිතුමා, ශ්‍රීලනිප මූලස්ථානය, 301. ටී. බී. ජයා මාවත, කොළඹ 10.
මහත්මයාණෙනි.
පක්ෂය වැනසුවා හොඳටම ඇති, දැන් යන්න.
(01) 2019 ජනාධිපතිවරණය ආසන්නයේ සිටම පක්ෂයට සහ පාක්ෂිකයාට වැදගත් විවිධ කරුණු පිළිබඳව ඔබටත්, පක්ෂයේ ලේකම්වරයාටත් ලිපි මගින් දැනුම් දුන්නද, අඩුම තරමින් එකී ලිපි " ලද බව දැන්වීමට '' හෝ ඔබවත්, පක්ෂයේ ලේකම්වරයාවත් කටයුතු නොකිරීම පිළිබඳව මගේ දැඩි අප්‍රසාදය සහ විරෝධය ඔබ වෙත පළ කරමි. එහෙයින්ම විවෘත සංදේශයක් ලෙස මෙහි පිටපත් පක්ෂයේ ක්‍රියාධරයන් වෙත යවන බවද කරුණිකව දන්වමි.
(02) ඉතා දිගු කලක් ඔබ පිළිබඳවත්, අපේ ආදරණීය පක්ෂය පිළිබඳවත් බොහෝ අත්දැකීම් ඇති අයෙකු ලෙස අමුතුවෙන් අටුවා ටීකා ලිවීමට මම කාලය නොගනිමි. කෙසේ වෙතත්, 2015 දී ඔබ රටේ ජනාධිපතිවරයාත්, පක්ෂයේ සභාපතිවරයාත් ලෙස පත්වීමෙන් රටටත්, පක්‍ෂයටත් යහපත් කාලයක් උදාවනු ඇති බව මම විශ්වාස කළෙමි.
(03) ලෝක ඉතිහාසයේ පළමු වතාවට කිසියම් රටක් පාලනය කරන ලද ප්‍රධාන පක්ෂ දෙකම එකතු වී 2015 දී පිහිටුවන ලද ශක්තිමත් ආණ්ඩුවක නායකයා මෙන්ම, එදා මෙදා තුර වැඩිම කාලයක් අපේ රට පාලනය කළ අපේ ආදරණිය පක්‍ෂයේද, නායකයා වූ ඔබ අප පාක්ෂිකයින් පමණක් නොව රටේ සමස්ත ජනතාවම බලාපොරොත්තු වූ පරිදි ජනතාවට වැදගත් ක්ෂේත්ර පිළිබඳව ජාතික ප්‍රතිපත්ති සම්මත කරවමින් ශ්‍රී ලංකා කාරයෙකු ලෙස අපේ පක්ෂයේත්, රටේත් අභිමානය ලොව පුරා පතුරවනු ඇති බව මම විශ්වාස කළෙමි.
(04) රාජ්‍ය නායකයා ලෙසත්, අප පක්ෂයේ නායකයා ලෙසත් ඔබ විසින් ගනු ලැබූ ප්‍රදර්ශනාත්මක මෝඩ තීරණ පිළිබදව පක්ෂයේත්, රටේත් බොහෝ දෙනා අප්‍රසාදය පළ කරන විට, යම් අඩු පාඩු තිබුණද ඔබ අපේ රටට නොබෙල් සාම ත්‍යාගයද ගෙනෙන්නට හැකි අයෙකු බව පෙන්වමින් ඔවුන් සමග තර්ක කළෙමි. ඊට එරෙහිව පෙනී සිටියෙමි.
(05) 2015 ජනවාරි 09 දින ජනාධිපති පදවියේ දිවුරුම් දී ජාතිය ඇමතු පළමු අවස්ථාවේම විධායක ජනාධිපති ධූරය අහෝසි කරන බවටත්, එතෙක් එහි බලතල කප්පාදු කර දමා පාර්ලිමේන්තුව ශක්තිමත් කරන බවටත්, පදවියෙන් විශ්‍රාම ගිය පසු නිල නිවාස හා අනෙකුත් වරප්‍රසාද සියල්ල අතහැර දමා පොළොන්නරුවට ගොස් විවේකීව ජීවවන බවටත්. ඔබ කළ ප්‍රකාශය ගැන මම ආඩම්බර වුයෙමි. ඒ එම ප්‍රකාශය සැබෑ ශ්‍රී ලංකා කාරයෙකුගේ ප්‍රකාශයක් බව සිහිපත් කරමිනි.
(06) එහෙත් මේ සියල්ල හීන බවට පමණක් පත් කරමින් ඔබ එම තනතුරු වල කටයුතු කළ ආකාරය නින්දනීයය. උභතෝකෝටිකය. ජුගුප්සාජනකය. පක්‍ෂයත්, රටත් ගොඩනගනු වෙනුවට ඒවා වැනසීමට ඔබ සැදී පැහැදී සිටියේය. රටේ නායකත්වය හෝ පක්ෂයේ නායකත්වය ඔබට බොහෝ බර වැඩි බව ගත වූ වසර කිහිපය තුළ ඔබ ප්‍රායෝගිකව පෙන්වා හමාරය. කවුරුන් කෙසේ කීවද ඔබ ලස්සන සුරංගනා කතන්දර කරුවෙකු පමණක් බව රටටත්, ජනතාවටත් ඔප්පු කර අවසානය.
(07) 2015 ජනවාරි වන විට හොරෙකු දුෂකයෙකු, වංචාකාරයෙකු ලෙස හංවඩු ගසමින් ජනාධිපතිවරණයේදී පරාජය කළ මහින්ද රාජපක්ෂ මහතාට ඉන් මාස 06 ක් ගතවන්නටත් පෙර පැවති මහා මැතිවරණය සදහා හොර රහසේම පක්ෂයේ නාම යෝජනා ලබාදුන්නේ ඔබය, රටේ නායකත්වයේත්, පක්ෂ නායකත්වයේත් සිටියත්, මහින්ද රාජප්පක්‍ෂ මහතා ඉදිරියේ ඔබේ දෙපා පණ නැති වන බව ඔබ මුළු රටටම පෙන්වූයේය.
(08) ඉන් නොනැවතුණු ඔබ ශ්‍රී ලංකා නිදහස් පාක්ෂිකයින්ගේ ඡන්දයෙන් පාර්ලිමේන්තුවට පැමිණි මහින්ද මහතා ඇතුළු මන්ත්‍රීවරුන් 50කට වැඩි ප්‍රමාණයකට අපේම රජයට එරෙහිව විපක්ෂ කණ්ඩායමක් ලෙස ක්‍රියාත්මක වීමට ඉඩ ලබා දුන්නේය. පක්ෂයේ ගම් මට්ටම නියෝජනය කරන පළාත් පාලන ආයතන මන්ත්‍රීවරුනට අද වන විට විවිධ බොරු චෝදනා දමමින් විනය පියවර ගන්නා ඔබ එදා පක්ෂයට විරෙහිව ප්‍රසිද්ධියේ කටයුතු කළ මහින්ද මහතා ඇතුළු කණ්ඩායමෙන් අඩුම තරමින් නිදහසට කරුණු විමසීමක්වත් කරන්නට ඔබට කොන්දක් නොතිබුණි.
(C9) පක්ෂ ව්‍යවස්ථාවට සහ චන්ද්‍රිකා මැතිනියට පින් සිදුවන්නට 2015 දී නිල බලයෙන් පක්ෂයේ සභාපති ලෙස පත්වූ ඔබට එයද දරාගත නොහැකි වගකීමක් බව පෙනුණි. එහෙයින්ම ඉන් වසර තුනක් ගත වීමටත් පෙර පක්ෂ ව්‍යවස්ථාව සංශෝධනය කරගත් ඔබ පක්ෂයේ මධ්‍යම කාරක සභාවට උඩින් ඔබ විසින්ම පත්කර ගන්නා දේශපාලන මණ්ඩලයක් පක්ෂයේ උත්තර්තර මණ්ඩලය කරමින් වක්‍රව සභාපති බලතල වැඩිකර ගත්තේය.
(10) පක්ෂයේ මධ්‍යම කාරක සභා තීන්දු ගැන, පක්ෂ විනය හා ප්‍රතිපත්ති ගැන රටට පුරසාරම් කියන ඔබ, මධ්‍යම කාරක සභාව තබා ලේකම්වරයාවත් නොදැන හොර රහසේම මහින්ද මහතා අගමැති පදවියට පත් කරමින් පක්ෂ විනය හා ප්‍රතිපත්ති අමු අමුවේ කඩා දැමුවේය. ඉන් නොනැවතී ආණ්ඩු ක්‍රම ව්‍යවස්ථාව උල්ලංඝනය කරමින් නීති විරෝධීව පාර්ලිමේන්තුව විසුරුවා හැරියේය. රටේ මූලික නීතිය වන ආණ්ඩුක්‍රම ව්‍යවස්ථාව උල්ලංඝනය කළ බට ශ්‍රේෂ්ඨාධිකරණය තීන්දු කළ පසු ජනාධිපතිවරයෙකුට තබා ග්‍රාම සේවකටරයෙකුටවත් තම තනතුරේ රැදී සිටීමට නීත්‍යානුකූල හෝ සදාචාරත්මක අයිතියක් නැත. එහෙත් ඔබ තවදුරටත් නිර්ලජ්ජිතව තනතුරෙහි රැඳී සිටියේය.
(11) නිදහසින් පසු මෙරට රාජ්‍ය නායකයෙකු යටතේ සිදුවූ දරුණුතම සහ සැලසුම් සහගතම ඛේදවාචකය වු පාස්කු ප්‍රහාරය පිළිබඳව අධිකරණමය කටයුතු සිදුවන නිසා මම ඒ ගැන කිසිවක් නොකියමි. එහෙත් ඒ ගැන සෙවීමට ඔබ විසින්ම පත් කළ ජනාධිපති කොමිසමකින් ඊට අදාළව ඔබට එරෙහිව අපරාධ චෝදනා ගොනු කිරීමට නිර්දේශ කර ඇති බවක්ද දැනගන්නට තිබේ.
(12) 2015 ජනාධිපතිවරණයේදීත්, 2020 මහ මැතිවරණයේදීත් පක්ෂයේ සියලු ව්‍යවස්ථාපිත සංවිධානවල තීරණ නොසළකා, ලේකම්වරයා සමඟ එක්ව ඔබ අපේ පක්ෂය පොහොට්ටුවට පාවා දුන්නේය. ඔබේ ඒ මෝඩ තකතීරු තීරණවලට අද වන විට වන්දි ගෙවන්නේ අපේ පාක්ෂිකයන් පමණක් නොව සමස්ත රට වැසියන්මය.
(13) 2015 දී ශ්‍රී ලංකා නිදහස් පාක්ෂිකයින්ගේ උත්තතර ඡන්දයෙන් පාර්ලිමේන්තුවට පැමිණි මහින්ද මහතා ඇතුළු මන්ත්‍රීවරුන් පනස් ගණනක් 2018 පිහිට වූ පොහොට්ටු පක්ෂයේ සාමාජිකත්වය ගත් බව ඔවුන් විසින්ම පුන පුනා ප්‍රකාශ කරද්දි පක්ෂ ව්‍යවස්ථාව අනුව ඔවුන් සියලු දෙනාගේ මන්ත්‍රී පදවි අහිමිකර පක්ෂයේ වෙනත් පිරිසක් මන්ත්‍රී පදවිවලට පත්කර ගැනීමට හැකියාවක් තිබුණි. එහෙත් ගරු කතානායකතුමාගේ විමසීමකට පක්ෂයේ මධ්‍යම කාරක සභාවටත් නොදන්වා ඔබ, මහින්ද මහතා ඇතුළු මන්ත්‍රීවරුන් තවදුරටත් ශ්‍රී ලනිපයේ බව දැනුම් දෙමින් ශ්‍රී ලංකා නිදහස් පක්ෂය වනසා පොහොට්ටු පක්ෂය රැක දුන්නේය. අද වන විට පක්ෂයේ මන්ත්‍රී ධූරයක් දරන්නේ යාපනයේ රාම්නාදන් මන්ත්‍රීවරයා පමණි.
(14) පසුගිය සැප්තැම්බර් 02 දින නීත්‍යානුකූල නොවන ලෙස නැවත පක්ෂ ව්‍යවස්ථාව සංශෝධනය කරගත් ඔබ පක්ෂයේ මෙතෙක් යම් පමණකට හෝ පැවති ප්‍රජාතන්ත්‍රවාදය ද මරා දැමුවේය. ඒ අනුව පක්ෂයේ විධායක සභාව විසින් පත්කරන ඕනෑම නිලයක් සිටින්නෙකු අවශ්‍ය ඕනෑම අවස්ථාවක කිසිදු කරුණු විමසීමකින් තොරව එම නිලයෙන් ඉවත් කිරීමට ඔබ බලය ලබාගත්තේය. මෙලෙස පාක්ෂිකයන්ගේ පරමාධිපත්‍ය බලය, මූලික අයිතිවාසිකම් අහිමි කර ඇති ඔබ ජනතාවගේ මේ අයිතීන් ගැන කතා කිර්මත් රටම රවටන ලොකුම විහිළුවක් බව නොකියාම බැරිය.
(15) ඔබට චීන පාක්ෂික විරෝධය මගහරවා ගැනීම සඳහා මේ වන විට ඔබ බණ්ඩාරනායකවරුන් විකිණීමේ අලුත් සෙල්ලමක්ද පටන්ගෙන ඇති බව පෙනෙයි. 2021 සැප්. 26 දින පැවති බණ්ඩාරනායක ගුණ සැමරුම දෙකට කඩමින් නිල ගුණ සැමරුමෙන් පසුව පක්ෂය වෙනුවෙන් සමාධියට වෙනම් පුපෝපහාරයක් පැවැත්වූ ඔබ 2022 ජනවාරි 08 වන දා ගාලුමුවදොර බණ්ඩාරනායක පිළිරුව අධ්යස පුපෝපහාරයට ද එයම කළේය. මෙවර සැප්තැම්බර් 26 පැවති බණ්ඩාරනායක ගුණ සමරුවට පාක්ෂිකයින් සහභාගිවීම වැළැක්වීමට ඉතිහාසයේ පළමු වරට ඔබ පක්ෂය මගින් කොළඹ BMICH හිදී පුපෝපහාරයක් පැවැත්වීය. මේලෙස පක්ෂයේ නිර්මාතෘවරයාගේ ගුණ සමරුවට පාක්ෂිකයන් සහභාගිවීම බෙදීමට කටයුතු කළ ඔබත්, ලේකම්වරයාත් මේ ආත්මයේදීම අතපය කැඩී ඒ පාපයට වන්දි ගෙවනු ඇති බව පාක්ෂිකයන්ගේ මතයයි.
(18) කිවයුතු තවත් බොහෝ දේ තිබුණ ද ලිපිය මීට වඩා දිගු කිරීමට අදහස් නොකරම්. ඔබ හා ලේකම්වරයා එක්ව අපේ ආදරණිය පක්ෂයට සිදුකර ඇති විනාශය හොඳටම ප්‍රමාණවත්ය. මෙලෙස වුව හොත් පාක්ෂිකයින් දහස් ගණනක් පක්ෂ මූලස්ථානය වටලා ඔබත්, ලේකම්වරයාත් නිරුවත් කර මූලස්ථානයෙන් එළියට ඇද දමන දිනය වැඩි ඈතක නැති බව සිතමි. එහෙයින් පක්ෂයට ආදරය කරන සමස්ත පාක්ෂිකයින් වෙනුවෙන් අවසාන වශයෙන් මම ඔබෙන් මෙලෙස ඉල්ලමි.
"ශ්‍රී ලංකා නිදහස් පක්ෂය වැනසුවා හොඳටම ඇති, දැන් යන්න”
මොන්ටේගු සරත්චන්ද්‍ර
විධායක සභික
ශ්‍රීලංකා නිදහස් පක්ෂය 
Friday 17 June 2022
වෙල්ගම නැවත ක්‍රියාකාරී දේශපාලනයේ
මැයි 9 වැනිදා කලහාකාරී සිද්ධි අතරතුර ප්‍රහාරයට ලක්ව රෝහල් ගතව ප්‍රතිකා
ර ලැබූ සමගි ජනබලවේගයේ කළුතර දිස්ත්රික් පාර්ලිමේන්තු මන්ත්‍රී කුමාර වෙල්ගම මහතා සුවය ලබා ඇතැයි වාර්තා වනවා.
මේවන විට ඔහු නැවතත් දේශපාලන කටයුතු ආරම්භ කර තිබෙනවා.
රටේ වත්මන් ආර්ථික තත්ත්වය පිළිබඳව සාකච්ඡා කිරීමට අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් කොළඹ අග්‍රාමාත්‍ය කාර්යාලයේ පෙරේදා (15) පැවති රැස්වීමකට ද කුමාර වෙල්ගම මහතා සහභාගී වී තිබෙනවා.
එම රැස්වීමට සමගි ජනබලවේගය නියොජනය කරමින් ආචාර්ය හර්ෂ ද සිල්වා, ඉරාන් වික්‍රමරත්න, රවුෆ් හකීම්, රිෂාඩ් බදුර්දීන් මහත්වරු ද සහභාගී වී සිටියා.
ප්‍රහාරයට ලක්වීමෙන් පසු අසනීප තත්ත්වය තත්වය උග්‍ර වීමෙන් කුමාර වෙල්ගම මහතා හෝමාගම මූලික රෝහලේ දැඩි සත්කාර ඒකකයේ ද ප්‍රතිකාර ලැබුවා.
Tuesday 31 May 2022
දුමින්ද..
භාරත ලක්ෂ්මන් ප්‍රේමචන්ද්‍ර මහතා ඝාතනය සම්බන්ධයෙන් වරදකරු වී මරණ දඬුවම නියමව සිටි හිටපු පාර්ලිම්න්තු මන්ත්‍රී දුමින්ද සිල්වා මහතාට ලබාදුන් ජනාධිපති සමාව අත් හිටූවමින් ශ්‍රේෂ්ඨාධිකරණය අද (31) අතුරු තහනම් නියෝගයක් නිකුත් කළා.
ජනාධිපති සමාව ලැබූ දුමින්ද සිල්වා යන අය මීට මාස කිහිපයකට පෙර ගෝඨාභය රාජපක්ෂ රජය විසින් ජාතික නිවාස සංවර්ධන අධිකාරියේ සභාපති ධූරයද ලබා දුන්නා.
කෙසේවෙතත් ඔහු මේ වන විට විදෙස්ගත වී ඇති බවයි වාර්තා වන්නේ
Monday 30 May 2022
ලංකාවට උපදෙස් දෙන්න මිලියන 5.6 ගෙවීමක්
ශ්‍රී ලංකාව මේ වන විට දැඩි ආර්ථික 
අර්බුදයකට මුහුණ දී තිබෙනවා.
අන්තර්ජාතික ශ්‍රේණිගත කිරීමේ ආයතනයක් වන ෆිච් රේටින්ග්ස් පෙන්වා දෙන ආකාරයට එම ආයතනය විසින් පසුගිය වසර හතක කාලය තුළ (2015 මැයි – 2022 මැයි) එහි ශ්‍රේණිගත කිරීම් වලින් ශ්‍රී ලංකාව හත් වතාවක් පහළට හෙළා ඇති බවයි.
මෙහි ඇති විශේෂත්වය නම් එලෙස පහත වැටුණු අවස්ථාවලින් 5ක්ම 2020 අප්‍රේල් මාසයේ සිට මේ දක්වා සිදු කර තිබීමයි.
කෙසේවෙතත් කලාපයේ ශ්‍රී ලංකාවට සමාන්තර ණය ශ්‍රේණි මට්ටම්වල පසුවූ සෙසු රටවල් සියල්ලම ඔවුන්ගේ ශ්‍රේණිගත කිරීම් යහපත් මට්ටමින් පවත්වාගෙන යාමට සමත් වී තිබෙනවා.
නිදහස ලැබීමෙන් පසු ශ්‍රී ලංකාව මුහුණ දෙමින් සිටින මෙම බරපතල ආර්ථික අර්බුදය හමුවේ ඉන්දියාව හැර මෙරට පිහිටට සිටින එකම පාර්ශවය බවට පත්ව ඇත්තේ අන්තර්ජාතික මූල්‍ය අරමුදලයි.
IMF සමග අවසාන වශයෙන් පසුගිය මැයි 12 වැනිදා නව මුදල් ඇමතිවරයා ලෙස පත් වූ අගමැති රනිල් වික්‍රමසිංහ මහතා සාකච්ඡා මේසයට වාඩි වූ අතර ඊට පසු දින එහි ප්‍රගති වාර්තාව කරමින් ඒ මහතා බ්ලුම්බර්ග් පුවත් සේවය සමග පැවැති සම්මුඛ සාකච්ඡාවකදී සදහන් කළේ කරන ලද්දේ එළඹෙන ජූනි මාසය මැද වන විට IMF වෙතින් ණයක් ලබා ගැනීමට බලාපොරොත්තු වන බවයි.
ඊට හේතුව එදිනම ඉන්දියාවේ NDTV ආයතනයට අදහස් දක්වමින් IMF කළමනාකරණ අධ්‍යක්ෂිකා ක්‍රිස්ටලිනා ජෝරිජියෝවා පැවසුවේ ණය ප්‍රතිව්‍යුහගත කිරීමේ වැඩසටහනක් පිලිබදව පැහැදිලි අවබෝධයක් ලැබුණු පසු පමණක් ශ්‍රී ලංකාවට සහය ලබා දීමට සූදානම් බවයි.
ශ්‍රී ලංකාව පසුගිය අප්‍රේල් මාසයේ IMF සමග නිල වශයෙන් සාකච්ඡා ආරම්භ කරන අවස්ථාවේදී ද බලාපොරොත්තු වූයේ පවතින ආර්ථික අර්බුදයට තාවකාලික විසඳුමක් ලෙස ඉතාම කෙටි කාලයක් ඇතුළත IMF විසින් ඩොලර් මිලියන 1000කට ආසන්න ‘වේගවත් ණය පහසුකමක්’ (RCF) මෙරටට ලබාගත හැකි වනු ඇති බවයි.
එහෙත් IMF කොන්දේසි විසින් ආරම්භයේ දී ම එම අපේක්ෂාව බිද දමනු ලැබුවා. ඇත්තෙන්ම ඊට බලපා ඇති ප්‍රධානම කරුණ වන්නේ ශ්‍රී ලංකාවට ණය ලබා දී ඇති ප්‍රධානම විදේශීය පාර්ශවය විසින් සිය ණය ප්‍රතිව්‍යුහගතකරණය කිරීමට අනුමැතිය ලබා නොදීමයි.
ශ්‍රී ලංකාවේ සමස්ත විදේශීය ණය ප්‍රමාණයෙන් 12%කට වඩා වැඩි කොටසකට හිමිකම් කියන්නේ චීනයයි. මෙහිදී සිය ණය ගෙවීම් කල් දමමින් ඒවා ප්‍රතිව්‍යුහගත කිරීමට චීනය අනිවාර්යයෙන් එකග විය යුතු බවයි.
මෙලෙස චීනය ණය ප්‍රතිව්‍යුහගතකරණය කර දෙන ලෙස මීට මාස කිහිපයකට පෙර මෙරට සංචාරයක නිරත වූ චීන විදේශ අමාත්‍යවරයාගෙන් ජනාධිපති ගෝඨාභය රාජපක්ෂ මහතා ඉල්ලීමක් කළ නමුත් හෙතෙම ඊට එකගතාවයක් දක්වනු ලැබුවේ නැහැ.
කෙසේවෙතත් ශ්‍ර්‍රී ලංකාව අපේක්ෂා කරන තරම් ඉක්මණින් IMF වෙතින් සහය නොලැබෙන බව නොරහසක්.
මේ වන විට IMF ණය වැඩසටහනට අවශ්‍ය වැදගත්ම කොන්දේසිය සපිරීමේ කාර්‍යභාරයද ශ්‍රී ලංකාව විසින් ආරම්භ කර තිබෙනවා.
ඒ සිය ණය ප්‍රතිව්‍යුහගතකරණයයි.
ඒ වෙනුවෙන් අවශ්‍ය බලයලත් විදේශීය ආයතන දෙකක් තෝරා ගැනීමට කැබිනට් මණ්ඩලය පසුගියදා අවසර ලබා දුන්නා. ඒ අනුව මුදල් අමාත්‍යාංශය විසින් ඉදිරිපත්ව තිබූ අයදුම්පත් 51 අතුරින් අන්තර්ජාතික මූල්‍ය උපදේශක සේවාව වෙනුවෙන් ප්‍රංශයේ M/s Lazard ආයතනයද, නීති උපදේශක සේවාව සඳහා M/s Cliford Chance LLP ආයතනයද තෝරා ගෙන තිබෙනවා.
අදාළ කාර්‍යභාරය වෙනුවෙන් මෙම උපදේශන සමාගම් වෙනුවෙන් ගෙවීමට නියමිත ගාස්තුව ඩොලර් මිලියන 5.6ක් පමණ වන බව ගණන් බලා තිබෙනවා.
කෙසේ වෙතත් මෙම සමාගම් විසින් සිදු කිරීමට නියමිත ණය ප්‍රතිව්‍යුහගත කිරීම යනු සමාගම්, පුද්ගලයන් සහ රටවල් ණය වෙනුවෙන්, අඩු පොලී අනුපාත සාකච්ඡාව කිරීම වැනි ඔවුන්ගේ පවතින ණය පැහැර හැරීමේ අවදානම වළක්වා ගැනීම සදහා භාවිතා කරන ක්‍රියාවලියයි.
Clifford Chance යනු ඒ වෙනුවෙන් ලොව සිටින ඉහළම පෙළේ නීති උපදේශකයකු වන අතර එය ලොව ප්‍රධාන උපදේශන සමාගම් 100 අතර 10 වැනි ස්ථානයේ පසුවන්නකි.
ලොව විශාලතම ස්වාධීන ආයෝජන බැංකුව වන Lazard ආයතනය මධ්‍යම සහ දකුණු ඇමරිකාවේ රටවල් 25ක් පුරා නගර 40කට වඩා ගණන් එක ක්‍රියාත්මක ශතක එක හමාරකට වඩා වැඩි අත්දැකීම් සහිත මූල්‍ය උපදේශකයෙකි.
ඒ අනුව බැලූ බැල්මටම ශ්‍රී ලංකාව තමන් විසින් ගෙවීමට සූදානම් වන විශාල පිරිවැයට සරිලන උපදේශන සමාගම් දෙකක් සිය ණය ප්‍රතිව්‍යුහගතකරණය වෙනුවෙන් තෝරාගෙන ඇති අතර දැන් කළ යුතුව ඇත්තේ ඒ වෙනුවෙන් අවශ්‍ය කෙරෙන සියලුම පහසුකම් අදාල ආයතන වෙත ලබා දෙමින් ක්‍රියාවලිය මනාව සම්බන්ධීකරණය කිරීමයි.
තවත් ගෝල් ෆේස් තරුණයෙක් atha
සමාජ මාධ්‍ය ක්‍රියාකාරී ‘රැට්ටා’ නොහොත් රතිදු සුරම්‍ය සේනාරත්න මහතාව මීට සුළු මොහොතකට පෙර අත්අඩංගුවට ගෙන තිබෙනවා.
ඒ පසුගියදා කොටුව මහේස්ත්‍රාත් අධිකරණය ඉදිරියේ කළහකාරී ලෙස හැසිරීමේ චෝදනාව මතයි.
අද (30) පස්වරුවේ රතිදු ඇතුළු පිරිසක් අදාළ සිදුවීම සම්බන්ධයෙන් ප්‍රකාශයක් ලබාගැනීම සඳහා කොම්පඤ්ඤවීදිය පොලීසියට කැඳවා තිබුණා.
එම ප්‍රශ්න කිරීමෙන් අනතුරුව ඔහුව මෙලෙස අත්අඩංගුවට ගත් බවයි වාර්තා වන්නේ.
‘රැට්ටා’ නොහොත් රතිදු සුරම්‍ය සේනාරත්න ගාලු මුවදොර අසළ පැවැත්වෙන ගෝඨාගෝගම විරෝධතා ස්ථානයෙහි ක්‍රියාකාරී සාමාජිකයෙක් ලෙස කටයුතු කරන පුද්ගලයෙක්.
වර්තමාන රජයට එරෙහිව පැවති විරෝධතා රැසකට ඔහු ක්‍රියාකාරී ලෙස සහභාගී වුණා.
දරුවන් වෙනුවෙන් ජීවන් නැවතත් පෙරමුණ ගනී.
ජනකාන්ත සිනමා රංගන ශිල්පී ජීවන් කුමාරතුංග මැතිතුමා දරුවන් වෙනුවෙන්නැවතත් සමාජ සේවාකටයුතු වලටඑකතුවමින් සිටිනබව වාර්තා වේ. 
එතුමාට පසුගියදිනකදී කැස්බැව මැතිවරණ කොඨාශයේ "සැමට අධ්‍යාපනය" වැඩ සටහන යටතේ වාර්ෂික ශිෂ්‍යධාර බෙදා දෙන ලදී.j5pVqq3lL2zyNge11yr8RauWubKaABT7ptWQON7Kpdys0tIIq6q5T1r0002FSSdtjxe9BMA90H0FjtH7WN7K57fdM_MVW98zneltsz5o1ztGujtmH4kJ4nj-BdPKMolBcUBJkMkeTs9gEre3GgEOeFlhB9p-VlHwmcHinq2ySNfYp5gz8mYFF/s707/Screenshot_2022_0530_170947.png" style="display: block; padding: 1em 0; text-align: center; ">
මේ අවස්ථාව සදහා හිටපු අමාත්‍ය ප්‍රියංගනී අබේදීර මැතිණිය හා ප්රකට සමාජ ක්‍රියාකාරීනියක වන නේත්‍රාන්ජලි ලියනගේ මැතිණිය සහබාගි වි සිටියහ.
Thursday 19 May 2022
නිපුණ රණවකගේ පැමිණිල්ලේ චුදිතයෝ වෙල්ගම, රනිල්, සජිත්, අනුර, ඩලස් අතර
2022 - 05 - 09 දින "ගෝටාගෝගම" හා " මයිනාගෝගම" ට එල්ල වු මිලේජ්ජ ප්‍රහාරයට එරෙහිව දෙනියායේ ජනතාව විසින් සිදුකල විරෝධතාවයට පුද්ගලයන් 13 දෙනකු 2022 -05 -18 දින අත්අඩංගුවට ගෙන අධිකරණයට ඉදිරිපත් කිරීමෙන් පසු ඇප නියම කරන ලදී.
මෙහිදී පැමිණිකාර පාර්ශවය වන මාතර දිස්ත්රික් පාර්ලිමේන්තු මන්ත්‍රී නිපුණ රණවක මහතා විසින් whats app මාර්ගයෙන් පැමිල්ල දෙනියාය පොලිස් ස්ථානය වෙත ඉදිරිපත් කර තිබුණි.
මෙම අත්අඩංගුවට ගත් 13 දෙනා අතර එක්සත් ජාතික පක්ෂයේ සිවු දෙනෙක්, සමගි ජනබලවේගයේ දෙදෙනෙක් , නව ලංකා නිදහස් පක්ෂයේ තිදෙනෙක්, ජනතා විමුක්ති පෙරමුණේ එක් අයකු හා ශ්‍රීලංකා පොදුජන පෙරමුණ නියෝජනය කරන තිදෙනකු වෙයි.
ඔවුන් දේශපාලන භේදයකින් තොරව මේ සදහා නායකත්වය ලබා දි ඇති බව වාර්තා වේ.
Monday 9 May 2022
කුමාර වෙල්ගම සුවයෙන් සිටියි.
සමගි ජනබලවේගයේ පාර්ලිමේන්තු මන්ත්‍රී කුමාර වෙල්ගම මහතා ගමන්ගත් රථයට කොට්ටාව ප්‍රදේශයේදී ප්‍රහාරයක් එල්ලකර තිබෙනවා.
ප්‍රහාරයෙන් කුමාර වෙල්ගම මහතාද සුළු තුවාල ලැබූ නමුත් ඔහුගේ තත්ත්වය බරපතල නොවන බවයි වාර්තා වන්නේ.
මේ වන විට ඔහු රෝහල් ගතව ප්‍රතිකාර ලබමින් සිටිනවා.
කෙසේවෙතත් මේ වන විට සමාජ මාධ්‍ය තුළ පැතිර යන්නේ අදාළ සිදුවීමෙන් කුමාර වෙල්ගම මහතාව ගිනි තබා ඝාතනය කර ඇති බවයි.
එම පුවත සම්පූර්ණ අසත්‍යක් වන අතර සමාජ මාධ්‍ය තුළ පැතිර යන ප්‍රවෘත්ති සම්බන්ධයෙන් වඩාත් සැලකිලිමත්වන ලෙස අප ජනතාවගෙන් ඉල්ලා සිටිනවා
මහින්දගේ අයට ගහන්න එපා, පොලිස්පති පොලිස් නිලදාරීන්ට උපදෙස් දෙයි
ජනාධිපතිවරයාට, අග්‍රාමාත්‍යවරයාට සහ වර්තමාන රජයට ඉල්ලා අස්වන ලෙස බල කරමින් අරලියගහ මන්දිරය සහ ජනාධිපති ලේකම් කාර්යාලය ඉදිරිපිට සාමකාමී විරෝධතාවල නිරත වන පුද්ගලයන්ට අග්‍රාමාත්‍ය මහින්ද රාජපක්ෂගේ ආධාරකරුවන් පිරිසක් විසින් පහර දී ඇත්තේ පොලිස්පති චන්දන වික්‍රමරත්න ගේ අනුග්‍රහයෙන් බවට විශ්වාසදායී තොරතුරු වාර්තා වේ.
පොලිස්පතිවරයා පොලිස් නිලදාරීන්ට උපදෙස් දී ඇත්තේ මහින්ද රාජපක්ෂගේ ආධාරකරුවන් විසුරුවා හැරීම සඳහා කඳුලු ගෑස් සහ ජල ප්‍රහාර එල්ල නොකරන ලෙස යි.
Sunday 1 May 2022
දකුණෙන් සල්ලි කෝටි ගණන් පිල්ලි ගැසූ අය
දකුණු පළාතේ වැසිකිළි පහසුකම් නොමැති පවුල් සඳහා වැසිකිළි ඉදි කරගැනීමට රුපියල් 17,152,000ක මුදලක් වියදම් කර තිබෙනවා.
ජාතික විගණන කාර්යාලය පවසන්නේ ඉන් සම්පුර්ණ වැසිකිළි ඉදිකර අවසන්කොට තිබි ඇත්තේ ප්‍රතිලාභින් 27 දෙනෙකු පමණක් බවයි. 
දකුණු පළාත් ප්‍රධාන අමාත්‍යංශය විසින් 2020 වර්ෂයේ දි දකුණු පළාතේ වැසිකිළි පහසුකම් නොමැති පවුල් සඳහා මෙම මුදල් වෙන් කර තිබෙනවා.
ප්‍රතිලාභ පවුල් 206කට පමණයි
ගාල්ල, මාතර සහ හම්බන්තොට යන දිස්ත්‍රික්ක තුන සදහා මෙම වැසිකිළි ව්‍යාපෘතිය වෙනුවෙන් 2020 වර්ෂයේ දී රුපියල් 17,152,000ක මුදලක් වියදම් කොට තිබුණා.
එහෙත් ඉන් ප්‍රතිලාභ ලැබි ඇත්තේ පවුල් 206 දෙනෙකු සදහා පමණක් බවයි ජාතික විගණන කාර්යාලය සඳහන් කළේ.
එමෙන්ම 2019 වර්ෂයේ දී වැසිකිළි පහසුකම් නොමැති පවුල් 493ක් සඳහා රුපියල් 7,888,000ක මුදලක් ලබාදී තිබුනද, වැසිකිළි ඉදිකිරිම් වැඩ අවසන් කොට තිබුණේ එක් ප්‍රතිලාභියෙක් පමණක් බවද විගණන කාර්යාලය පෙන්වා දෙනවා.
අපේක්ෂිත ප්‍රථිපල ඉටුවී නෑ
මේ අනුව මෙකී ව්‍යාපෘතිය යටතේ ප්‍රතිලාභින් සදහා ගෙවා ඇති මුදලින් අපේක්ෂිත ප්‍රථිපල ඉටුවි නොමැති බවද විගණන කාර්යාලය ප්‍රකාශ කරනවා.
දකුණු පළාත් ප්‍රධාන අමාත්‍යංශය විසින් දකුණු පළාතේ වැසිකිළි පහසුකම් නොමැති පවුල් ඒකක 11,246ක සංඛ්‍යාවකින් පවුල් 600ක් සදහා වැසිකිළි ඉදිකිරිම වෙනුවෙන් මෙම ව්‍යාපෘතිය අරම්භ කර තිබුණා.
මෙම ව්‍යාපෘතිය සදහා අනුමැතිය ලැබි ඇත්තේ 2019.05.24 දින වන අතර 2019 වර්ෂයේ ජුනි මස මෙම ව්‍යාපෘතිය ආරම්භ කළ බව මේ පිළිබද ප්‍රධාන ගණන් දීමේ නිලධාරියා විගණනයට සදහන් කර තිබෙනවා.
ග්‍රාමිය වැසිකිළි ඉදිකිරීම සදහා අනුමත වු රුපියල් මිලියන 28ක මුදලින් ප්‍රතිලාභින් 700 දෙනෙකු සඳහා අයදුම්පත් නිකුත්කළ බවද ප්‍රධාන ගණන්දිමේ නිලධාරියා විගණනයට ප්‍රකාශ කර තිබෙන බව සඳහන්.
රටේ පැවති මැතිවරණ වාතාවරණය නිසා මැතිවරණ කොමසාරිස්ගේ 2019.09.28 වැනිදින දිනැති ලිපිය මගින් තාවකාලිකව ව්‍යාපෘතිය නතර තරන ලෙස දැනුම් දීම නිසා අදාල ප්‍රගතිය ලඟා කරගැනිමට නොහැකිවු බවද ප්‍රධාන ගණන්දිමේ නිලධාරියා සදහන් කර තිබෙනවා.
Friday 29 April 2022
විමල්, ගම්මන්පිල, වාසු ගේ කුමන්ත්‍රණය හෙළි වේ.
ලොව පුරා ආණ්ඩු බිඳ දැමීමට යොදාගත් රුසියානු ජනාධිපති බ්ලැඩිමීර් පුටින්ගේ " කේම්බ්‍රිජ් ඇනලිටිකා " රහස් ඔත්තු සේවයේ සහාය රාජ පක්ෂ රජය ලබා ගන්නා බවට සවිස්තර තොරතුරු ලැබී තිබේ.
........
මෙම ඔත්තු සේවය, 2016 ඇමරිකානු ජනාධිපතිවරණයේ දී හිලරි ක්ලින්ටන් පරාජය කිරීමට සහ බ්‍රිතාන්‍යයේ බ්‍රෙක් සිටිගේ මැතිවරණයට සහාය ලබා දුන් බවටත් ප්‍රකටය.
.......
මේ කණ්ඩායම ලංකාවට රැගෙන එන ලැබුවේ රාජපක්ෂ දූෂිත වළල්ලේ ප්‍රධාන පාර්ශ්වකරුවකු වන දිලිත් ජයවීරයි. පාස්කු ප්‍රහාරය ඇතුළු 2019 ගෝඨාභයගේ මැතිවරණ ව්‍යාපාරය සැලසුම් කරන ලද්දේ ද මෙම කණ්ඩායම විසිනි.
..........
රාජපක්ෂ කුමන්ත්‍රණයේ ඉතාම ආසන්න උපක්‍රම පහත පරිදි වේ.
...........
1. අතුරුලියේ රතන හිමි, විමල් ගම්මන්පිල ටිරාන් අලස් ඇතුළු පොහොට්ටුවේ
මන්ත්‍රීවරුන් කණ්ඩායම ආණ්ඩුවෙන් ඉවත් ව, ස්වාධීන වී මහ හඬින්
රාජපක්ෂවරුන් කිහිප දෙනෙකු විවේචනය කරමින් තමන් ආණ්ඩුවට විරුද්ධ
බව මවා පාමින් සිටී.
💥
💥
2. අනතුරුව ප්‍රතිපත්තිමය තීරණයක් මත සමගි ජන බලවේගය ප්‍රමුඛ විපක්ෂය විසින් ඉදිරිපත් කරන ලද විශ්වාසභංග යෝජනාවට රාජපක්ෂ රජයේ සිට ඉවත් වූ කණ්ඩායම සහාය ලබා නොදිය යුතු බවට තරිකයක් ඉදිරිපත් කළේ
💥
💥
3. ඉකුත් අප්‍රේල් 25 සිට මහින්ද රාජපක්ෂ ස්වාධීන කණ්ඩායමේ සාමාජිකයන් මුණගැසෙමින් ගෝඨාභය රාජපක්ෂ ජනාධිපති ධුරයේ රැඳී සිටිද්දීම අන්තර් කාලීන රජයක් පිහිටු වීමට කැමති කරවා ගැනීමට කටයුතු කර ගනිමින් සිටියි.
💥
💥
4. මහින්ද රාජපක්ෂ සිය ධුරය අත්හැර එය පොහොට්ටුවේ වෙනත් සාමාජිකයෙකුට ලබා දීමට එකඟ වනු ඇත. ඉන් අනතුරුව ගොඩනගන කැබිනට් මණ්ඩලය ද පොහොට්ටු රජයේ සිටි කැබිනට් මණ්ඩලයම වනු ඇත.
💥
💥
රාජපක්ෂවරුන්ගේ අපේක්ෂාව බලයේ රැඳී සිටිමින් රට විනාශ කිරීමයි. එකම වෙනස වනු ඇත්තේ අග්‍රමාතවරයා වෙනස් වීම පමණි. ඉතිරිය වෙනස් නොවී පවතිනු ඇත. රටේ ධනය කොල්ලකෑමද නොවෙනස්ව සිදුවනු ඇත. මෙරිගෝ රවුන්ඩ් එක නොකඩවා කැරෙකනු ඇත. (සෙක්කුව සුපුරුදු පරිදි එකම රවුම වටේ යනු ඇත.)
💥
💥
පාලනයේ වෙනසක් ඇති බව ඇඟවීමට මේ සමස්ත ව්‍යාපෘතිය ම සැලසුම් කර තිබෙන්නේ බලයේ සිටින රස්තියාදුකාර පිරිස විසිනි. අතුරුලියේ රතන හිමි, ගම්මන්පිල, වීරවංශ, ටිරාන් අලස්, රූසෝ - දිලිත් සැලසුමේ ප්‍රධාන ඒජන්තවරුන්ය. රාජපක්ෂ පාලන
💥
💥
සමයේ දී වංචා සහගත ලෙස බිලියන ගණන් උපයා ගත් මෙම කූට ව්‍යාපාරිකයන් ශ්‍රී ලංකාවේ මහා වත්කම් කොල්ලකෑම දිගටම කරගෙන යාමේ ඉඩකඩ කිසි ලෙසකින් අත් හැරීමට කැමති නැත.
💥
💥
විලි ලැජ්ජා නැති මේ රස්තියාදුකාරයන් දැන් විදේශ තානාපතිවරුන් හමුවීමට පටන්ගෙන ඇත්තේ ඔවුන්ගේ මෙම කුමන්ත්‍රණය වත්මන් අර්බුදයට ඇති එකම විසඳුම බව ඔවුන්ට ඒත්තු ගැන්වීමටය. ගෝඨා මහින්ද ප්‍රමුඛ මෙම රස්තියාදුකාරයන්ට රැවටීමට තරම් තානාපතිවරුන් මෝඩ නොවන බව අපි දනිමු.
💥
💥
දිලිත් ජයවීර. ධම්මික පෙරේරා, සුමල් පෙරේරා, නිශ්ශංක සේනාධිපති, අශෝක් පතිරගේ, අජිත් නිවාඩ් කබ්‍රාල් තිරු නඩේසන් යන මංකොල්ලකරුවන්ගේ කණ්ඩායමේ නායකයන් වන්නේ රාජපක්ෂලා බව ජනතාව දැන සිටිය යුතුය.
💥
අපගේ වර්තමාන ජාතික වීරයන් වන අරගලයේ නියුතු අපගේ සහෝදර සහෝදරියන් ගෙන් අපි ඉල්ලා සිටින්නේ වර්ධනය වෙමින් පවතින අනතුර තේරුම් ගෙන මෙම රස්තියාදුකාරයන්ට අපගේ ජයග්‍රහණය වැළැක්වීමට ඉඩ නොදෙන ලෙසයි.
💥
ගෝඨා සහ ඔහුගේ රජ්ය ඉවත් විය යුතුයි. නව ශ්‍රී ලංකාවක් වෙනුවෙන් පාරට බැස අරගලයට සහාය ලබා දෙන අති මහත් තරුණ තරුණියන්ට සහ වැඩිහිටියන්ට යහපාලනය, ස්ථාවරත්වය. ප්‍රජාතන්ත්‍රවාදය රජයන දේශයක් ගොඩනැගීමට අවකාශය හා අවස්ථාව ලබාදිය යුතුය.
ජනපති නිත්‍යානුකුලව හෙටම ගෙදර යවන විදිය වෙල්ගම කියයි.
රාජපක්ෂ පාලනය අසාර්ථකයි. ගෝඨාභය රාජපක්ෂ ගෙදර යන්න.අපේ රට අපට දෙන්න. අපි අපේ රට හදමු.
01. මිළඟ පාර්ලිමේන්තු වාරයේදීම ජනාධිපති වැය ශීර්ෂ සියල්ලම අවසන්
රුපියල දක්වා කපා හැරීම.
(එවිට ජනාධිපතිවරයාට ඉල්ලා අස්වීමට සිදු වෙයි). 02. පුරප්පාඩු ජනාධිපති ධූරයට මාස 3ක කාලය සදහා වැඩ බලන
ජනාධිපති ලෙස අග විනිසුරු පත් කර ගැනීම.
03. එකී මාස 3න ඇතුලත විධායක ජනාධිපති ධූරය අහෝසි කර පාර්ලිමේන්තු මන්ත්‍රීවරුන්ගේ ඡන්දයෙන් ශ්‍රේෂ්ඨතම මන්ත්‍රීවරයෙකු නාමික ජනාධිපති පදවියට පත් කර ගැනීමට අවශ්‍ය ව්‍යවස්ථා සංශෝධන සම්මත කර ගැනීම.
04. ඒ අතරතුර දේශපාලන පක්ෂවල ජාතික ලැයිස්තු මන්ත්‍රී වරුන් කිහිප දෙනෙකු ඉවත් කර හිටපු අගව්නිසුරු ශිරානි බණ්ඩාරනායක, හිටපු මහ බැංකු අධිපති ඉන්ද්‍රජෝති කුමාරස්වාමි,හිටපු විගණකාධිපති ගාමිණී විජේසිංහ, මහ බැංකු අධිපති නන්දලාල් වීරසිංහ වැනි රටට ආදරය කරන ක්ෂේත්‍රයේ ප්‍රවීනයින් පාර්ලිමේන්තුවට පත්කර ගැනීම.
05. ඉහත පිරිස සහ වත්මන් පාර්ලිමේන්තුවේ සිටින දුශිත ගොඩ විවිධ ක්ෂේත්ර වල ප්‍රවීණයින්ද ඇතුලූ 20 දෙනෙකුට නොවැ එක් වසරක කාලයක් නොයික්මවන අන්තර්පාලන කැබිනට් මණ්ඩලයක් පත් කරගැනීම.
06. අන්තර්පාලන ආණ්ඩුව පිහිටුවා දෙසතියක් ඇතුලත එදිනෙදා ජීවිතයට අත්‍යවශ්‍ය භාණ්ඩ සහන මිලට ලබා දීමට පියවර ගැනීම සහ කඩිනමින් අධ්‍යාපන, සෞඛ්‍ය, ආරක්ෂක, තරුණ කටයුතු සහ ප්‍රවාහනය ඇතුළු ක්ෂේත්ර සදහා ජාතික ප්‍රතිපත්ති සම්මත කර ගැනීම.
07. අන්තර්පාලන ආණ්ඩුව වසරක් ගත වීමට පෙර විසුරුවා, පාර්ලිමේන්තු මැතිවරණයක් පැවැත්වීම.
ශ්‍රී ලංකාවේ අනාගතය වෙනුවෙන් විශේෂ යෝජනාවලියක් ඊයේ දින කතානායකතුමා වෙත භාර දෙන ලදී.
කුමාරවෙල්ගම
නායක - නව ලංකා නිදහස් පක්ෂය, කළුතර දිස්ත්රික් පාර්ලිමේන්තු මන්ත්‍රී
නව ලංකා නිදහස් පක්ෂයේ නිළ මුහුණු පොතෙන් උපුටා ගන්නා ලදී.
රටටම හිරු -පායයි කරු
බුද්ධාගම”සිංහල ජාතිය බේරගන්න ආපු රාජපක්ෂලාගෙනව් රට බේරගන්න පට්ට ගේමක් දෙන්න වෙලා තියෙන්නේ. ඒ විතරක් නෙයෙි බුද්ධාගමත් මුන් හිටගෙන විනාශ කරනවා. මේ තත්ත්වය බලාගෙන ඉන්න බැරුව ත‍්‍රයි නිකායික මහා නායක හාමුදුරුවරු එකතු වෙලා ජනාධිපතිවරයාට සහ අගමැතිවරයාට ටිපි දෙකක් යවමින් අවධාරණය කළේ ඔවුන් දෙදෙනා සිය තනතුරුවලින් ඉවත් වෙලා අන්තර්වාර පාලනයක් ගොඩනගන්න කියලා.
ඒ අතරිඋන්වහන්සේලා තවත් වැඩකට අත ගහලා කියලත් ආරංචියි. ඒ තමයි ඒ හදන අන්තර් වාර රජයේ ජනාධිපති ධුරය ස`දහා කරූ ජයසූරිය මහතා පත් කරන්න. මේ යෝජනාවට කාදිනල් තුමා වගේම සිවිල් සමාජයත් බොහොම කැමතියි කියලයි ආරංචිය. 
මේ ගැන අපි නම ස`දහන් කිරීමට අකමැති ප්රකට සිවිල් සමාජ කි‍්‍රයාකාරිකයෙකුගෙන් විමසුවා ම, ඔහු කිව්වේ මේ මොහෝතේ ඒ ස`දහා සුදුසුම පුද්ගලයා කරු ජයසූරිය පමණක් බවයි. ඔහු ඇමරිකානු ජනාධිපති ජෝ බයිඞ්න්ව නිදසුනට අරගෙන කිව්වේ ට‍්‍රම්ප් විනාශ කරපු රට බයිඞ්න් ගොඩ දැම්මේ ඇ`ග් හියියෙන් නොව, පරිනත බුද්ධියෙන් බවයි. 
රනිල්ට වගේ කරුට දුෂණ චෝදනා ඇත්තෙත් නෑ. දවස් 52 ආණ්ඩුව වෙලාවේ කරු තමන්ගේ වැඩ හො`දට පෙන්නලත් තියෙනවා. කරුට හො`දින් ජාත්‍යන්තර සබ`දතාත් තියෙනවා. කරුගේ වයෙට් හො`ද උගත් බුදධිමත් පිරිසකුත් වට වෙලා ඉන්න්වා. කරු ඔවුන්ගෙන් වැඩ ගන්නත් දන්නවා. කරු ළ`ග ඵවුල් දේශපාලනයත් නෑ. ඒ නිසා බලේ එල්ලිලා ඉ`දගෙන් පරම්පරාවේ අය දේශපාලනයට ගේනන් ද`ගලන්නෙත් නෑ. තෙකාටින් ම කියනවනම් කරු එන එකෙන් සජිත්ට අවධානමකුත් නෑ. ආණුඩුවේ ස්වාධින පිරිසට ගැටලුවකුත් නෑ. ඒ නිසා හො`දම විකල්පය කරු කියලා ඔහු අවධාරණය කළේ.
කරු එන්නෙ අවරුද්දකට විතරලු. එයා ආර්ථිකය ශක්තිමත් කරලා, අලුත් ව්‍යවස්ථාවක් ගෙනල්ලා මේ සිසටම් එක චේන්ජ් කරලා අලුත් පිරිසකට පාලනය භාර දෙනවලු. 
මේක කොහොම වෙයි ද කියලා නම් සැකයි. ඒත් මේ වෙනකොටත් ජාතික ලැයිස්තුවෙන් අයින් වෙලා කරුට සීට් එක දෙන්නත් කෙනෙක් ඉන්නවලු. කොහොමත් ඉදිරි සති කිහිපය ඇතුලත රටේ ලොකු වෙනසක් ඇතිවෙයි කියලයි අපිට ආරංචි. අපි බලාගෙන ඉමු මේ ගැටගුව කොතනින් කොහොම ඉවර වෙයි ද කියලා
Monday 4 April 2022
නිපුන රණවකගේ බලකොටුව සෙලවෙයි
Thursday 31 March 2022
බස් ගිණි තැබීමේ නාටකයට තුන් වන පාර්ශවයක්‌
#copied
🔥 බස් ගිනි තැබීමේ නාටකය....
(මිනිස්සු දාපු Live videos ටික බැලුවනම් ඔක්කොම පිළිවෙළට තියනවා👇)
උද්ඝෝෂණ කරන මිනිස්සු දාහක් විතර ඉන්න තැනකට හෙමින් හෙමින් "හිස්" බස් එකක් ගෙනල්ලා නවත්තනව..
ඒත් මිනිස්සු ඇවිස්සෙන්නේ නෑ..
පස්සේ සෙනග අස්සෙම ඉඳන් දෙතුන් දෙනෙක් බස් එකට ගල් ගහනවා (ආණ්ඩුවෙ අය වෙන්නත් පුළුවන්).. බලන් ඉන්න මිනිස්සු අහනවා "ඇයි ඒ ගල් ගහන්නේ?" කියලා. ගල් ගහපු එවුන් මාරු වෙනවා..
ඒත් මිනිස්සු ඇවිස්සෙන්නේ නෑ..
ඊට පස්සේ කීපදෙනෙක් ඇවිත් බස් එක පෙරලමු කියල දඟලනවා. මිනිස්සු ලොකුවට උදව් කරන්නේ නෑ.බස් එක එහෙමම තියනවා.
ඒත් මිනිස්සු ඇවිස්සෙන්නේ නෑ..
ඊට පස්සේ කඳුලු ගෑස් ගහනවා.. මිනිස්සු දුවනවා.. ටික වෙලාවකින් බස් එක ගිනි ගන්නවා පෙන්නනවා.. එතකොට බස් එක ළඟම ඉන්නවා පේන්නෙ කවුද.. පොලිසිය 😂
සමාජ මාධ්‍ය උපුටා ගැනීමක් 
Tuesday 29 March 2022
මෛත්‍රීපාල සිරිසේන එළියට
හිටපු ජනාධිපති මෛත්‍රීපාල සිරිසේන දැනට භාවිත කරන පැජට් පාරේ පිහිටි නිවස අඛණ්ඩව භාවිත කිරීමට අමාත්‍ය මණ්ඩලය ගත් තීරණය අත්හිටුවමින් ශ්‍රේෂ්ඨාධිකරණය අද (29) අතුරු නියෝගයක් නිකුත් කළේය.
මෙම නියෝගය පෙත්සම විභාගයේ අවසන් තීරණය දක්වා බලපැවැත්වේ.
විකල්ප ප්‍රතිපත්ති කේන්ද්‍රය (CPA) සහ එහි විධායක අධ්‍යක්ෂ ආචාර්ය පයිකියසෝති සරවනමුත්තු විසින් ගොනු කරන ලද මූලික අයිතිවාසිකම් පෙත්සමක් අනුව විනිසුරු ප්‍රීති පද්මන් සූරසේන, විනිසුරු යසන්ත කෝදාගොඩ සහ විනිසුරු මහින්ද සමයවර්ධන යන ශ්‍රේෂ්ඨාධිකරණ ත්‍රිපුද්ගල විනිසුරු මඩුල්ල මෙම නියෝගය කළේය.
මෛත්‍රිපාල සිරිසේන ජනාධිපතිව සිටි සමය් නිල නිවාසය ලෙස භාවිත කළ මෙම නිවස ඔහුට ලබා දීමට කැබිනට් මණ්ඩලය තීරණය කළද එම තීරණය මූලික අයිතිවාසිකම් පෙත්සමක් හරහා ශ්‍රේෂ්ඨාධිකරණයේ දී අභියෝගයට ලක් කෙරිණි.
මේ සම්බන්ධයන් ඊයේ (28) මෛත්‍රිපාල සිරිසේන ශ්‍රේෂඨාධිකරණයෙන් ඉල්ලා සිටියේ මෙම පෙත්සම විභාගයට පංච පුද්ගල විනිසුරු මඩුල්ලක් පත් කරන ලෙසය
Monday 14 March 2022
මෛත්‍රීපාල සිරිසේන පක්ෂයෙන් මහා පාරට
මහ ජනතාවට පාරට බැසීම හැර වෙනත් කිරීමට කිසිඳු දෙයක් නොමැති බව හිටපු ජනාධිපති මෛත්‍රීපාල සිරිසේන මහතා පවසනවා.
ඒ. බදුල්ල පුස්තකාල ශ්‍රවනාගාරයේදි පැවැති බදුල්ල දිස්ත්‍රික්කයේ ශ්‍රී ලංකා නිදහස් පක්ෂයේ නියෝජිත සමුළුව අමතමින්.
ජනතාව සිය මනසේ ගැටළු රාශියක් පොදි බැඳගෙන සිටින බවත් අද වන විට මෙරට ආහාර අර්බුදය ඇතුලු අර්බුද රැසකට මුහුණ දෙන බවත් මෛත්‍රිපාල සිරිසේන මහතා පවසනවා.
මෙහිදී වැඩිදුරටත් අදහස් දැක්වූ ඒ මහතා,
“තෙල් මිල වැඩිවීමත් සමග මහ ජනතාව දේශපාලකයන් ප්‍රතික්ෂේප කර ජනතා උද්ඝෝණවලට පෙළඹෙනවා. මේ ආණ්ඩුව පක්ෂ 13කින් හදද්දී මමත් සභාපතිවරයෙක් විදියට පත් කරගත්තත් ඉන්පසුව කිසිම දෙයකට මා සම්බන්ධ කර ගත්තේ නෑ.
සිරිමාවෝ බණ්ඩාරනායක යුගයෙන් පසු මේ රටට හරි ප්‍රතිපත්තියක් ගෙනාවේ මගේ ආණ්ඩුව විතරයි. මම ප්‍රජාත්‍රන්ත්‍රවාදීව රට ගෙන ගියා ලෝකයේ සියලුම රටවල් මට උදව් කළා මම 19 වැනි ආණ්ඩුක්‍රම සංශෝදනය ගෙනත් රටේ ප්‍රජාත්‍රන්ත්‍රවාදය ඇති කළා.නමුත් මම දුෂයෙන් තොර රටක් හදන්න බලාපොරොත්තු වුණත් ඒක මට කරන්න බැරි වුනා.
විදුලිය,ගෑස් නැතිව කෙළඹ නාගරික පංතියත් බඩගින්නේ ඉන්නවා. ජනතාවට තෙල්,ගෑස්,විදුලිය නැතිව ආහාර අර්බුදයකට පත්ව අසරණ වී සිටිනවා.ජනතා විරෝධතා උද්ඝෝෂණ පැවැත්වෙනවා මුළු රටම අද කදුලින් ඉන්නේ අයට ඒවා තේරෙන්නේ නෑ.
නිවු ඩයමන්ඩ් නැවේ වන්දිය කෝටි 343 වෙච්ච දෙයක් නෑ
ඩයමන්ඩ් නැවේ සමාගම එක්ක අත යට ගනුදෙනුවක්? කෝප් සභාපති ලොක්කන්ට දෙහි කපයි
මෙරට මුහුදු සීමාවේදී ගිනි ගෙන විනාශයට පත්වූ එම්.ටී නිව් ඩයමන්ඩ් නෞකාව අයත් සමාගමෙන් වන්දි මුදල් අයකර ගැනීමට සමුද්‍රිය පරිසර ආරක්ෂණ අධිකාරිය නිසි අයුරින් කටයුතු කර නැතැයි අනාවරණය වී තිබෙනවා.
මේ තොරතුරු අනාවරණය වූයේ මෙරට මුහුදු සීමාවේදී ගිනි ගෙන විනාශයට පත්වූ එම්.ටී නිව් ඩයමන්ඩ් නෞකාව අයත් සමාගමෙන් වන්දි අය කිරීම ඇතුළු කටයුතු සම්බන්ධයෙන් කරුණු විමසීම සඳහා සමුද්‍රීය පරිසර ආරක්ෂණ අධිකාරියේ නිලධාරීන් පොදු ව්‍යාපාර පිළිබඳ පාර්ලිමේන්තු කාරක සභාව හමුවට කැඳවනු ලැබූ අවස්ථාවේදීය.
එම කමිටුව එහි සභාපති මහාචාර්ය චරිත හේරත් මහතාගේ ප්‍රධානත්වයෙන් පාර්ලිමේන්තු සංකීර්ණයේදී පසුගිය 11 වැනිදා රැස්වුණා.
ඒ කෝප් කමිටුවේ සභාපති මහාචාර්ය චරිත හේරත් මහතාගේ ප්‍රධානත්වයෙන් රැස්වූ කෝප් කමිටුවේදීය.
රුපියල් කෝටි 348ක වන්දි මුදලක් අයකර ගැනීමට ඇතත් මෙතෙක් අය කරගෙන ඇත්තේ රුපියල් කෝටි පහක පමණ මුදලක් පමණක් බවට කෝප් කමිටුවේදී පසුගිය 11 වැනිදා තොරතුරු අනාවරණය වුණා.
එම වන්දි මුදල අයකර ගැනීම නිසි අයුරින් කටයුතු කර නොමැති බව කෝප් කමිටුවේ සභාපති මහාචාර්ය චරිත හේරත් මහතා ප්‍රකාශ කර ඇති අතර ඒ සම්බන්ධයෙන් සමුද්‍රිය පරිසර ආරක්ෂණ අධිකාරියේ ප්‍රධානින්ට දැඩි ලෙස දෝෂාරෝපණය කළා.
නිව් ඩයමන්ඩ් නෞකාව අයත් සමාගම සමග ගනුදෙනුවකට ගොස් පරිසර හානිය ලබා නොදී ඒ සමාගමට වාසි සහගත අයුරින් කටයුතු කළ බවට තමා චෝදනා කළ හොත් ඊට දෙන පිළිතුර කුමක්දැයි කෝප් කමිටු සභාපතිවරයා මෙහිදී විමසා තිබෙනවා.
ඒ අවස්ථාවේදී සමුද්‍රිය පරිසර ආරක්ෂණ අධිකාරියේ නිලධාරින් ඒ සම්බන්ධයෙන් පැහැදිලි පිළිතුරක් ලබා දී නෑ.
මේ කටයුතුවලදී ආයතනයේ නීති නිලධාරිනිය නිෂ්ක්‍රීයව සිටියේ ඇයිදැයි කෝප් කමිටු සභාපතිවරයා ඉන් අනතුරුව විමසා සිටියා.
එහිදී අදහස් දැක්වූ නීති නිලධාරිනිය මෙම නෞකාවට අදාළව නීතිපති දෙපාර්තමේන්තුවේ පැවැත්වූ කිසිම සාකච්ඡාවකට තමා සම්බන්ධ කර නොගත් බව ප්‍රකාශ කළා.
නීති නිලධාරිනිය එම කටයුතු සඳහා සම්බන්ධ කර නොගත්තේ ඇයි දැයි කෝප් සභාපති චරිත හේරත් මහතා මෙහිදී විමසා සිටි අතර ඊට පිළිතුරු ලබාදුන් සමුද්‍රීය පරිසර ආරක්ෂණ අධිකාරියේ සභාපතිනී නීතිඥ දර්ශනී ලහඳපුර මහත්මිය පැවසුවේ ආයතනයේ කටයුතුවලදී එම නිලධාරිනියගේ මැදිහත්වීම ප්‍රමාණවත් නොවන හෙයින් ඒ කටයුතු සඳහා දෙවැනි නිලධාරියකු පත් කිරීමට සිදුවූ බවයි.
එය පරිපාලනමය වශයෙන් ගත් වැරදි තීන්දුවක් බව කෝප් සභාපතිවරයා පෙන්වා දුන්නා.
මෙහිදී වැඩිදුරටත් අදහස් දැක්වූ නීති නිලධාරිනිය පැවසූවේ තමා අවුරුදු දහඅටක් තිස්සේ ආයතනයේ නඩු කටයුතුවලට සම්බන්ධවී කටයුතු කර පළපුරුද්දක් ඇති නිලධාරිනියක බවයි.
එම්.ටී නිව් ඩයමන්ඩ් නෞකාව සම්බන්ධ කටයුතු ආයතනයේ නීති අංශයෙන් වසා සිදුකිරීම බරපතළ ප්‍රශ්නයක් බව කෝප් කමිටු සභාපතිවරයා මෙහිදී වැඩිදුරටත් ප්‍රකාශ කළා.
Sunday 13 March 2022
ශ්‍රී. ලං. නි. ප යේ සම සභාපතිකම චන්ද්‍රිකා බණ්ඩාරනායකට, සභාපති බලතල සමාන වේ.
ශ්‍රී ලංකා නිදහස් පක්ෂය තුළ බරපතළ බෙදීමක් ඇතිව තිබෙන බව වාර්තා වනවා.
ඒ ආණ්ඩුවේ ඇමති ධූර අත හැර ආණ්ඩුවෙන් ඉවත් වීම පිළිබඳව.
ප්‍රබලයන් තිදෙනා
ආණ්ඩුවේ ඇමති ධූර අත හැර ආණ්ඩුවෙන් ඉවත් වීමට මේ අවස්ථාව නොවන බව පක්ෂයේ ප්‍රබලයන් තිදෙනකුගේ මතය වී තිබෙනවා.
ඒ කැබිනට් ඇමති ධූරයක් දරණ නිමල් සිරිපාල ද සිල්වා සහ රාජ්‍ය ඇමති ධූර දරන ශ්‍රී.ල.නි.පයේ ජාතික සංවිධායක දුමින්ද දිසානායක සහ භාණ්ඩාගාරික ලසන්ත අලගියවන්න යන මහත්වරුන්.
ඔවුන් තිදෙන ආණ්ඩුවෙන් ඉවත් වීමට විරෝධය පෑම පමණක් නොව පක්ෂය තුළ බරපතළ අර්බුදයක් ඇති කරන යෝජනාවක්ද ඉදිරිපත් කොට ඇති බව දැනගන්නට තිබෙනවා.
****************************
අර්බුදකාරී යෝජනාවක්
ඒ පක්ෂය අතහැර ගිය අයට යළි පක්ෂයට එන ලෙස ආරාධනා කිරිමේ යෝජනාවයි.
එම යෝජනාවට අනුව හිටපු පක්ෂ සභාපතිනියක වන චන්ද්‍රිකා බණ්ඩාරනායක කුමාරතුංග මහත්මියටද පක්ෂයට යළි ආරාධනා කළ යුතු බවයි එම තිදෙනාගේ මතය වී තිබෙන්නේ.
හිටපු ජනපතිනිය පක්ෂ සභාපති මෛත්‍රිපාල සිරිසේන මහතාව ප්‍රසිද්ධියේම විවේචනය කරන්නියක්.
***************************666
පිටස්තර කුමන්ත්‍රණය
මෙය ශ්‍රී.ල.නි.පයෙන් පිට මෙහෙයවන දේශපාලන ප්‍රබලයෙකුගේ අදහසක් හා කුමන්ත්‍රණයක් බවටයි සැක කෙරෙන්නේ.
ශ්‍රීලනිපය ආණ්ඩුවේ ඇමති ධූර අත හැර වහාම ආණ්ඩුවෙන් ඉවත් විය යුතුයි යන මතයේ පක්ෂ සභාපති හිටපු ජනපති මෛත්‍රිපාල සිරිසේන හා පක්ෂ මහ ලේකම් දයාසිරි ජයසේකර යන මහත්වරුන් සිටින බවයි ආරංචි මාර්ග සඳහන් කරන්නේ.
මීට පෙර ඇමතිකම් වලින් ඉවත් නොවිය යුතුයි යන ස්ථාවරයේ සිටී මහින්ද අමරවීර ඇමතිවරයා සිය ස්ථාවරය වෙනස් කර තිබෙන බවත් වාර්තා වනවා.
ඔහු ඕනෑම වේලාවක ඇමති ධූරය අතහැර ආණ්ඩුවෙන් ඉවත් ඉවත්වීමට සූදානම් බවයි පක්ෂ නායකත්වය අමතා සඳහන් කර තිබෙන්නේ.
මහින්දගේ ප්‍රතිබිම්බය "ලංවා" අධිපති නන්දන ලොකු විතානද
ජයදේව ලොකුවිතාන
ජාත්‍යන්තර ගවේෂණාත්මක මාධ්‍යවේදීන්ගේ සංගමය (ICIJ) විසින් නිකුත් කරන ලද පැනමා පත්‍රිකාවල ඩුබායි හි ශ්‍රී ලාංකික ව්‍යාපාරිකයෙකු සහ හිටපු ජනාධිපති මහින්ද රාජපක්ෂගේ පෙරමුණේ පුද්ගලයා යැයි කියනු ලබන නන්දන ජයදේව ලොකුවිතාන නම් කර ඇත.
ලොකුවිතාන වඩාත් ජනප්‍රිය වන්නේ ‘ඩුබායි හි මැරියට් හෝටලය මිලදී ගත් ශ්‍රී ලාංකිකයා’ ලෙසයි - එය රාජපක්ෂට අයත් බවට වාර්තා වූ අතර පසුව ඔහු එම හෝටලය මිලදී ගත් බවට වාර්තා ප්‍රතික්ෂේප කළේය.
**********************
රාජපක්ෂ බලයේ සිටියදී නාත්තන්ඩිය ප්‍රදේශයේ පදිංචිව සිටි ලොකුවිතාන හරහා ඩුබායිහි දේපළ සඳහා විශාල වශයෙන් ආයෝජනය කර ඇති බවත්, රාජපක්ෂට හඳුන්වා දී ඇත්තේ ඔහුගේ හිතවත් සජින් වාස් ගුණවර්ධන විසින් බවත් වාර්තා වේ. රාජපක්ෂ රෙජීමයේ ආරාධනයෙන් ලොකුවිතාන විසින් Ceylon Heavy Industries and Construction Company (CHICO) (ශ්‍රී ලංකාවේ හිටපු ලංකා වානේ සංස්ථාව) ඇමෙරිකානු ඩොලර් මිලියන 77 කට මිලදී ගත්තේය.
**********************
පැනමා පත්‍රිකාවල, ලොකුවිතාන 2000 දෙසැම්බරයේ සංස්ථාගත කරන ලද ‘නිලෝනා ෆැෂන්ස්’ නමින් එක් ආයතනයකට සම්බන්ධ කර ඇති අතර එය සීෂෙල්ස් බල ප්‍රදේශයට අයත් වන අතර එය රාජපක්ෂලා තම වත්කම් සඟවා ගත් බවට චෝදනා කරන තවත් උණුසුම් ස්ථානයක් වේ.
මෛත්‍රීපාල,සජිත්ගේ මව සමග කල රහස් සාකච්චාව සාර්ථකයි
මෛත්‍රීපාල සිරිසේන මහතා විපක්ෂ නායක , සමගි ජන බලවේග නායක සජිත් ප්‍රේමදාස මහතාට ශ්‍රී ලංකා රාමඤ්ඤ මහා නිකායේ පිරිනමනු ලැබූ ගෞරවනාම උත්සවයටත් සහභාගි වී ඇති බව වාර්තා වනවා.
එහිදී හිටපු ජනපතිවරයා සජිත් ප්‍රේමදාස මහතාගේ මව මෙන්ම හිටපු ජනපතිවරයෙකු වූ දිවංගත රණසිංහ ප්‍රේමදාස මහතාගේ බිරිඳ වූ හේමා ප්‍රේමදාස මහත්මිය සමඟ රහස්සා සාකච්ඡාවකද නිරත වූ බව දැනගන්නට තිබෙනවා.
ශ්‍රී.ල.නි.පය වෙනුවෙන් එම අවස්ථාවට සහභාගී වී ඇති එකම නියෝජිතයා හිටපු ජනපතිවරයා පමණයි.
එම අවස්ථාවට සහභාගී වන ලෙස ඔහුට ආරාධනා කළ බවක් දැනගන්නට නැහැ.
සිරිසේන මහතා හා විපක්ෂ නායක සජිත් ප්‍රේමදාස මහතා අතර ඉතා කිට්ටු දේශපාලන ගනුදෙනුවක් තිබෙන බව දේශපාලන ක්ෂේත්‍රයේ ප්රකට කරුණක්.
බොහෝ විට ඉදිරි තීරණාත්මක මැතිවරණයකදී මෛත්‍රිපාල සිරිසේන හා සජිත් ප්‍රේමදාස පාර්ශව එකට එක් වනු ඇති බවටත් මත පළ වනවා.
යහපාලන ආණ්ඩුවේ සිටි දක්ෂතම ඇමතිවරයා ලෙස සජිත් ප්‍රේමදාස මහතාව කිහිප වතාවක්ම සිරිසේන මහතා ජනපති ධුරය දරද්දීදම හඳුන්වා දී තිබෙනවා.
ශ්‍රී ලංකා රාමඤ්ඤ මහා නිකායෙන් සජිත් ප්‍රේමදාස මහතාට "ශාසන කීර්ති දේශාභිමානි ශ්‍රී ලංකා ජනරංජන" ගෞරව නාමය පිරිනැමුවා.
අනුරාධපුර ඥානක්කා කියන්නේ කවුද
ශ්‍රීලංකා නිදහස් පක්ෂය මඩකලපුවෙන් 100%ඉවත් වෙයි
ශ්‍රීලංකා නිදහස් පක්ෂයේ මඩකලපුව දිස්ත්රික් සංවිදානය හා ආසන සංවිදාන සියල්ල කුමාර වෙල්ගම මැතිතුමාගේ නායකත්වයෙන් යුත් නව ලංකා නිදහස් පක්ෂය සමග එකතු විය.
මෙහිදී මඩකලපුව දිස්ත්රික් ශ්‍රීලංකා නිදහස් පක්ෂ කාර්යාලය නව ලංකා නිදහස් පක්ෂය කාර්යාලය ලෙස වෙනස් විය.
මේ අවස්ථාව සදහා නව ලංකා නිදහස් පක්ෂයේ නියෝජ්‍ය නායක, හිටපු අමාත්‍ය ජීවන් කුමාරණතුංග මැතිතුමා හා හිටපු මහා ඇමති, හිටපු ආණ්ඩුකාර වර පේෂල ජයරත්න මැතිතුමා සහබාගි විය.
Subscribe to:
Posts (Atom)