ශ්‍රී ලංකා නිදහස් පක්ෂය තුල පසුගිය කාලය පුරාවටම අළුයට ගිනි මෙන් ගැටුම් උත්සන්න වෙමින් තිබුණි.
එහි අලුත්ම තත්වය වන්නේ පක්ෂය තුල සිටින ප්‍රබල මධ්‍යම කාරක සභිකයන් පස් දෙනකු සදහා විනය ක්‍රියාමාර්ග ගැනීමට සුදානම් වීමයි.
කොළඹ දිස්ත්‍රික්කය නියෝජනය කරන දෙදෙනෙක් හා කළුතර ,මහනුවර ,පොලොන්නරුව යන දිස්ත්‍රික්කයන්හී මධ්‍යම කාරක සභාව නියෝජනය එක් සාමාජිකයන් බැගින් සාමාජිකයන් පස් දෙනකුට මෙම විනය ක්‍රියාමාර්ග ගැනීමට සුදානම්වන බව දේශපාලන ආරංචි වාර්තා කරයි.
මෙම සාමාජිකයන් පසුගිය දිනකදී ශ්‍රී ලංකා නිදහස් පක්ෂයේ ජෙෂ්ට්ට නායකයකු වෙනුවෙන් හඬ අවධි කිරීමක් හේතුවෙන් මෙම තත්වය උද්ගත වී ඇත.
මෙහිදී ආණ්ඩුවේ වරදාන වරප්‍රසාද භුක්ති විදින පිරිස වෙනම කදවුරක් ලෙසද ,පක්ෂයේ ජෙෂ්ට්ටතත්වයෙන් වැඩි හා පක්ෂ ප්‍රතිසංවිධාන හි වෙනසක් ඉල්ලන පිරිස වෙනම කඳවුරක් ලෙසද ක්‍රියා කරන බව පෙනෙන බව වාර්තා වේ.
පක්ෂයේ ජෙෂ්ට්ටතත්වයෙන් වැඩි හා පක්ෂ ප්‍රතිසංවිධාන හි වෙනසක් ඉල්ලන පිරිස ශ්‍රී ලංකා නිදහස් පක්ෂයේ හිටපු ජෙෂ්ට්ට සාමාජිකයකු ,ක්‍රියාකාරී දේශපලනයේ නිරත වන වර්තමානයේ නිතර කතාබහ වන නායකයකු සමගද රහසි ගත සාකච්චාවක් පවත්වා ඇති බව වාර්තා වෙයි.
මේ වන විට පක්ෂ සභාපති සහ ලේකම් අතරද ගැටුම් උත්සන්න වෙමින් පවතින අතර ලේකම්වරයාට අවස්ථා කීපයකදීම ලේක්ම් ධුරයෙන් ඉවත් වන ලෙස දන්වා සිටියත් සභාපතිගේ වචන කනට නොගෙන හිතුවක් කාරී ලෙස ඔහු රැඳී සිටින්නේ වෙනත් ප්‍රබල හස්තයක බලපෑමක් නිසාදැයි සැක කරයි.
ඉදිරි දින කිහිපයේදී ශ්‍රී ලංකා නිදහස් පක්ෂය තුල විශාල දෙදරීමක් සහිත සිදුවීමක් බලාපොරොත්තු විය හැකි බව දේශපාලන වාර්තා උපුටා දක්වයි.
No comments:
Post a Comment