ගුරු උද්ගෝෂණයෙදී මියගිය ගුරුවරියගේ සත්‍ය කතාව.,
සාධාරණ සමාජයක් බිහි කිරීමට වෙරදරන පියෙකුගේ දියණියක වන වරුණී අසංකා ගුරු සොයුරිය ශ්‍රීපාද විද්‍යාපීඨයේ ගුරු සිසුවියක ලෙස පුහුණුව ලැබූවාය.ඈ දෙනියාය මධ්‍ය විද්‍යාලයේ ප්‍රාථමික අංශයට එකතු වී දැනට වසරකි.කුඩාකළ සිටම හෘද රෝගයකින් පෙලෙමින් බයි පාස් සැත්කමකට ලක් වී සිටියද ඒ බව කිසිවකුටත් ඒත්තු නොගැන්වෙන සේ ඈ ඉගැන්වීම් කටයුතුවල නිරත වූවාය.අනෙක් ගුරුවරුන් සේම පවරන ඕනෑම රාජකාරියක් අකුරටම ඉටු කළාය.දරුවන් සමග ක්‍රියාකාරීව අකුරු කළ නිසාම ඇය රෝගාතුරව සිටි බවවත් කිසිවකු නොදනී.ඒ තරමටම ඈ සෙසු අය සේම ක්‍රියාකාරී වූවාය.
2021.11.09 දින පැවති කලාප උද්ඝෝෂණය සඳහාද ස්ව කැමැත්තෙන්ම යායුතුමය යන අදහසින්
ගමනට එක් වූවාය.ඇතැම් අතලොස්සක් දෙනා හැකියාව තිබියදී පවා මගහැර අනුන්ගේ කර මතින් වැටුප දිනා ගැනීමට උත්සාහ දරන යුගයක මෙම නවක ගුරු සොයුරිය ගුරු පරපුරටම ආදර්ශයකි .
වරුණී සොයුරියට වයස අවු. 27 කි. ඈ ඉපදී
වසර 3 කින් ඇති වූ මෙම වැටුප් විෂමතා අර්බුදය
ඈ ගුරුවරියක වී ඒ අරගලයට දායක වෙමින්
මහපාරේ මියැදෙන තුරුත් තාම පවතී.
පාලකවරුනි,
නූපන් පරපුරටත් මෙවැනි ශෝචනීය අවස්ථාවලට මුහුණ පෑමට මෙය තව දුරටත් දික් නොගසනු මැනවි.
දැන්වත් ගුරුපරපුර ගැන සිතාමේ ගැටලුව විසදීම
සතුටු දායක නොවේද....?
සොයුරිය ඔබට නිවන් සුව ලැබේවා......!!!
දයාබර වීරවරිය, සොයුරිය , ඔබට අපගේ උත්තමාචාරය!!!
ගුරු අරගලයේ සිටි ප්‍රධාන නායකයින් අසංකා ගුරුතුමියට අවසන් ගෞරව දැක්වීම සදහා ඊයේ දිනයේදී අයගේ දේහය තැම්පත් කර තිබෙන දෙනියාය මිරිස්වත්ත නිවසට පැමිණ සිටියහ. 
No comments:
Post a Comment