නිපුණ රණවකගේ පැමිණිල්ලේ චුදිතයෝ වෙල්ගම, රනිල්, සජිත්, අනුර, ඩලස් අතර

2022 - 05 - 09 දින "ගෝටාගෝගම" හා " මයිනාගෝගම" ට එල්ල වු මිලේජ්ජ ප්‍රහාරයට එරෙහිව දෙනියායේ ජනතාව විසින් සිදුකල විරෝධතාවයට පුද්ගලයන් 13 දෙනකු 2022 -05 -18 දින අත්අඩංගුවට ගෙන අධිකරණයට ඉදිරිපත් කිරීමෙන් පසු ඇප නියම කරන ලදී. මෙහිදී පැමිණිකාර පාර්ශවය වන මාතර දිස්ත්‍රික් පාර්ලිමේන්තු මන්ත්‍රී නිපුණ රණවක මහතා විසින් whats app මාර්ගයෙන් පැමිල්ල දෙනියාය පොලිස් ස්ථානය වෙත ඉදිරිපත් කර තිබුණි. මෙම අත්අඩංගුවට ගත් 13 දෙනා අතර එක්සත් ජාතික පක්ෂයේ සිවු දෙනෙක්, සමගි ජනබලවේගයේ දෙදෙනෙක් , නව ලංකා නිදහස් පක්ෂයේ තිදෙනෙක්, ජනතා විමුක්ති පෙරමුණේ එක් අයකු හා ශ්‍රීලංකා පොදුජන පෙරමුණ නියෝජනය කරන තිදෙනකු වෙයි. ඔවුන් දේශපාලන භේදයකින් තොරව මේ සදහා නායකත්වය ලබා දි ඇති බව වාර්තා වේ.