 ඇය දක්ෂ චිත්‍ර ශිල්පිනියකි. ලේඛිකාවකි. ව්‍යවසායිකාවකි.ඇගේ මුල් කාලීන ළමා පොත්බොළඳ කතාවලින් පිරී තිබිණි. එහෙත් පසුකාලීනව ඇය විසින් කරන ලද ඇතැම් නිර්මාන ළමයින්ගේ හද බැඳගත්, ළමයින්ට පමණක් නොව වැඩිහිටියන්ට ද රස විඳිය හැකි අපූරු ඒවා ය. විශේෂයෙන් ම ඇගේ 'දොයි අම්මා' නම් පැදි පෙළ හා ඒ සමග බැඳුණු චිත්‍ර පෙළ සහිත පොත හා වීඩි‍යෝව සුවිශේෂ ප්‍රතිභාවක් පළ කරන අනගි කෘතියකැයි මට සිතේ. එහි දරුවකු අම්මා දෙස හෙළන ආදරණීය බැල්ම ගෘහස්ථ ශ්‍රමිකාවක් ලෙස ඇගේ භූමිකාව දෙස අලුත් ඇසකින් බලන්නට සමාජය පොළඹවයි. ඒ සමග බැඳුණු චිත්‍ර පෙළ ප්‍රකාශනශීලිත්වයෙන් අනූන ය.  ජානකී සූරියආරච්චි කිසි දිනෙක තමන් ස්ත්‍රීවාදිනියක ලෙස හඳුන්වා ඇති බවක් මම නො දනිමි. එහෙත්, තමන් ස්ත්‍රීවාදීන් යයි කියන බොහෝ අය වෙතින් පළ නො වන නිර්මානශීලිත්වයක් ඇගේ මෙම කෘතිය තුළින් මතු වේ. එසේ වීමට මූලික හේතුව වන්නේ මෙම නිර්මානය තුළ ඇති අව්‍යාජත්වයයි. අද වන විට ලංකාවේ ළමයින් සඳහා වූ කලාව කෲර වෙළඳපොළක් වී තිබේ. ළමා නො වන චිත්‍රපට ළමා චිත්‍රපට යයි ළමයින් රවටා පෙන්වා මුදල් ගසා කෑම අද වන විට ජාතික සිනමාව වී තිබේ. රූපවාහිනී චැනල් ළමයින්ට පෙන්වන්නේ බොරු වීරයන් ගැන කාටුන්, ඇනිමේෂන් හා සුජාත දියණි, අභීත දියණි වැනි බොළඳ කතා ය. ළමා සාහිත්‍යය යයි දක්නට ලැබෙන්නේ තොරන් වැනි චිත්‍ර සහිත වචන ගොඩවල් ය. 'සකල බුජං - කොට කලිසම් තමයි අඳින්නේ වැනි' ළමා අපචාර සිද්ධි ළමා ගී ලෙස හඳුන්වා දෙන ළමා ගීත කලාව තුළ වැඩිපුර තිබෙන්නේ ළමයින් වැඩිහිටියන් ලෙස ගී ගැයීමේ සුපිරි තරු මේනියාවකි. ජානකී සූරියආරච්චි ළමයින් සඳහා යෝග්‍ය චිත්‍ර කලාවක් ද කතා හා කවි කලාවක් ද ගොඩනඟා ගන්නට සමත් වීම අනාගතය ගැන බලාපොරොත්තු ඇති කරන තත්වයකි. ඇය දක්ෂ ව්‍යවසායිකාවක් වීම තුළ ද වටිනාකමක් තිබේ. |
Wednesday 31 July 2013
ළමයින් රවටා මුදල් ගසා කෑම හා ළමයින් වැඩිහිටියන් ලෙස ගී ගැයීමේ සුපිරි තරු මේනියාව
Subscribe to:
Post Comments (Atom)
No comments:
Post a Comment