ඒ මහතා මෙසේ ද කීය
ශ්‍රී ලංකාවට අද අත්වී තිබෙන ඉරණම ඉතා ශෝචනීයයි. අද මේ රටේ බහුතර ජනතාව ජීවත් වන්නේ ඔරොත්තු නොදෙන මට්ටමේ දරුණු මානසික අසහනයකින්. ඔවුන්ට රැකියා මාර්ග, ප්‍රමාණවත් ආදායම් මාර්ග, පෝෂ්‍යදායක ආහාර, සෞඛ්‍ය මෙන්ම දරුවන්ට අධ්‍යාපන පහසුකම් නොලැබෙනවා පමණක් නොවෙයි, තවත් බොහෝ ප්‍රාථමික අවශ්‍යතා සහමුලින්ම අහිමියි. පවුල් ලක්‍ෂ 15 කට නිවාස නැහැ. පාලකයන්ගේ වගකීමෙන් තොර ක්‍රියා කලාපය නිසා රට පුරා භයානක පරිසර විනාශයක් සිදුවෙමින් පවතිනවා. පරිසරයට, මහ පොළොවට, ජල මූලාශ්‍රවලට දරුණු හා මාරාන්තික වස විස එක් වෙමින් පවතිනවා.
ආණ්ඩුවක වගකීම රටවැසියන්ගේ මූලික ප්‍රශ්න විසදා ඔවුන් තෘප්තිමත් ජනතාවක් බවට පත් කරලීමයි. ඔවුන්ගේ සුබසාධනය තහවුරු කිරීමයි. සමාජයේ විවිධ ජන කොටස් අතර ඇති නැති පරතරය තුරන් කිරීමයි. එදා එක්සත් ජාතික පක්‍ෂ රජය කටයුතු කළේ ඒ බව හොඳින් සිහියේ තබාගෙනයි. ජනතාවට තමන්ගේම යැයි කිව හැකි නිවාස, පාසල් දරු - දැරියන්ට නොමිලයේ පෙළ පොත්, පාසල් නිල ඇඳුම්, නොමිලයේ දිවා ආහාරය මෙන්ම උසස් අධ්‍යාපනයට ‘මහපොළ’ ශිෂ්‍යත්ව පිරිනැමුවේ එක්සත් ජාතික පක්‍ෂ රජයන් යටතේදීයි.
No comments:
Post a Comment