ලිංගික සතුට වෙනුවෙන් ජිවිත දෙකක් බිලිගනී

ලිංගිකව හැසිරීමට පැමිණෙන ලෙස ඉල්ලූ 43 වියැති පුද්ගලයෙකුට රහසෙන් එම අවස්ථාව වීඩියෝ කර පසුව එය පෙන්වමින් ඩොලර් 20,000ක් ඉල්ලා තර්ජනය කළ 16 හැවිරිදි තරුණයන් දෙදෙනා මරා පුළුස්සා දැමූ පුවතක් කොලරාඩෝවෙන් වාර්තා වුනා.

සැකකරු සිටින නිවසට පසුගිය සිකුරාදා මෙම තරුණයන් දෙදෙනා පැමිණ තමා කළ අයුතු යෝජනාව සහිත වීඩියෝව පෙන්වා අපහසුතාවයට පත් කළ බවත් සැකකරු මුදල් ලබා දීම ප්‍රතික්ෂේප කළ නිසා තම නිවසේ තිබූ උල් ආයුධයක් ගෙන ඔහුව ඝාතනය කිරීමට සැරසුන නිසා ඔවුන් වෙඩි තබා ඝාතනය කළ බවයි ඔහු පොලිසියට පැවසුවේ.
ඔහු වැඩි දුරටත් සඳහන් කළේ මළ සිරුරු එම රටේ ගංගාවක් ආශ්‍රිතව ගැසොලින් දමා ගිනි තැබීමෙන් අනතුරුව නොගැඹුරු වලක මිහිදන් කළ බවයි. ඝාතනයටපත් තරුණයින්ගේ දෙමව්පියන් පසුගිය සෙනසුරාදා පොලිසියට පැමිණිලි කිරීමෙන් අනතුරුව පරීක්ෂණ ක්‍රියාත්මක කර තිබේ.
තරුණ තරුණයින්ට විනෝදවීමට, සාද පැවැත් වීමට ඉඩකඩ සලසා දීම සඳහා මෙම සැකකරු තම කුලී නිවස භාවිතා කර ඇති අතර මෙම නිවසට ආ ගිය තරුණ කණ්ඩායම් පවසන්නේ තරුණයින්ට මෙම නිවස රජ දහනක් බවත් සැකකරු මත්පැන් පවා නොමිලයේ ලබා දී තරුණ පිරිසගේ සිත් සතුටු කරවන බවත්ය.





සටහන - පවිත්‍රා සදමාලී
මුලාශ්‍ර සහ රූප -ඩෙලී මේල්