කරන්දෙණිය මූලික රෝහලේ ප‍්‍රධාන වෛද්‍ය නිලධාරියාව සිටි වෛද්‍ය පි‍්‍රයංග ප‍්‍රසාද් ජයසිංහ මහතා වෙඩි තබා ඝාතනය කිරීම සම්බන්ධයෙන් වූ නඩුවේ දෙවැනි සැකකරු වන යුධහමුදා කපිතාන් චන්දන වික‍්‍රමසිංහ නැමැත්තා රුපියල් ලක්ෂයක මුදල් හා රුපියල් ලක්ෂ පහ බැගින් වූ ශරීර ඇප හතරක් මත මුදා හැරීමට බලපිටිය මහේස්ත‍්‍රාත් අසංග බෝදරගම මහතා අද නියෝග කළේය. ප‍්‍රදේශවාසීන් අතර ‘හිත හොඳ දොස්තර’ නමින් ප‍්‍රසිද්ධව සිටි මෙම වෛද්‍යවරයාව 2011 සැප්තැම්බර් 29 වන දින බොරකන්ද ප‍්‍රදේශයේ පිහිටි ඔහුගේ පුද්ගලික බෙහෙත් ශාලාව ඉදිරිපිට දී වෙඩි තබා ඝාතනය කර තිබිණි. සිද්ධියට අදාළව සැකපිට කපිතාන් චන්දන වික‍්‍රමසිංහ ඇතුළු සැකකරුවන් පස් දෙනෙකු අත්අඩංගුවට ගෙන වසර දෙකකට ආසන්න කාලයක් රක්ෂිත බන්ධනාගාරගත කොට සිටියහ.
ආර්. ඤණදාස අම්බලන්ගොඩ
No comments:
Post a Comment